VOV4.K’ho- Tàm Hìu lơh broă Quốc hội pa bơyai lơh pơrjum dơ̆ 4 Mpồl duh broă tĕ khà dà lơgar. Tus tơngai tŭ do, Mpồl duh broă tĕ khà Dà lơgar neh dờp geh 1 rơbô 136 sră nggal cau tơlik mat tĕ khà Kuang bàng Quốc hội khoá 15 mờ 7 rơbô 495 sră nggal bơh cau tơlik mat tĕ khà Kuang bàng Hội đồng Nhân dân kấp càr. Ủy ban Mặt trận Dà lơgar ală kấp neh lơh sir broă bơyai lơh pơrjum cribơyai dơ̆ 2 nàng lơh sră cih mat bơh sơnrờp ală cau tơlik mat tĕ khà Kuang bàng Quốc hội mờ cau tơlik mat tĕ khà Kuang bàng Hội đồng Nhân dân ală kấp.

Đơs pơn dŭt pơrjum, mò Nguyễn Thị Kim Ngân, Chủ tịch Quốc hội, Chủ tịch Mpồl duh broă tĕ khà Dà lơgar pà gĭt, pơrjum dơ̆ 4 Mpồl duh broă tĕ khà Dà lơgar neh lơh sir ală tơngume broă lơh neh ai. Broă lơh rcang lài ai dơ̆ tĕ khà in tus tŭ do tàm làm gùt lơgar neh mờ gam lam lơh di mờ adat boh lam mờ lơh jat di tơngai neh geh ai, ờ hềt gơlik geh broă lơi gơrềng tus dơ̆ tĕ khà. Chủ tịch Quốc hội sồr sơlơ tơnguh broă mblàng yal tai, uă rlau tai, geh cồng nha rlau tai ai dơ̆ pơrjum cribơyai dơ̆ 3 mờ tus di tŭ ngai tĕ khà 23/05 tus do.

Cau mblàng K’ Hạnh