VOV4.K’ho - Ngai òr (22/10), Thủ tướng Nguyễn Xuân Phúc neh ala măt Chính phủ yal mờ Quốc hội bè broă lơh sa mpồl bơtiàn nam 2018 mờ rơndăp broă tơnguh bơtàu lơh sa mpồl bơtiàn nam 2019.

Ồng Nguyễn Xuân Phúc đơs tòm broă lơh sa mpồl bơtiàn lơgar he pơn jăt tai tam gơl niam mờ geh ală cồng nha tơl ală bơta tàm ală gah broă. Cồng nha geh pơnrơ ngan là gơguh khà phan geh lơh tàm lơgar (GDP) 9 nhai geh 6,9%, di gơlan gùt nam geh sơlèt mờ khà Quốc hội ai (6,7%); 3 nam bơh nam 2016 tus 2018 gơguh 6,5%.

Prăp priă lơgar bơdìh dà lơgar geh uă rơlao 60 tơmàn đôlar Mỹ. Kờ` geh ală khà broă geh ai tàm nam 2019, ồng Nguyễn Xuân Phúc yal mờ Quốc hội 8 broă lơh tòm Chính phủ geh lơh tàm tơngai tus, tàm hơ\ kơnòl lài ngan là pơn jăt tai gơguh broă lơh sa dờng, sền gròi broă gơmù khà priă, tơnguh tiah bơcri priă kă bro mờ chồl pràn broă tơnguh lơh sa…

Cau mblàng Ndong Brawl