VOV4.K’ho – Drim òr (29/3), tàm Hà Nội, Tổng cục Thống kê, Bộ Kế hoạch mờ Đầu tư bơyai lơh pơrjum [au\ yal cồng nha khà kờp bơta lơh sa - mpồl bơtiàn 3 nhai bồ nam do. Jat hơ\, kờp jơh phan lơh gơs tàm lơgar tàm 3 nhai bồ nam lơh geh khà bơtàu tơnguh niam 6,79%; broă lơh sa dờng geh gàr kơ\ kơljap, roh bơngă khà priă geh sền gròi mìng gơguh 1,83% pơn drờm mờ bal tu\ nam lài – là khà lơyah ngan rlau jơh tàm pơgap 3 nam do; broă bơcri priă kă bro geh tam gơl niam, mpồl lơh sa kă bro crơng gơs pa gơguh uă ngan rlau jơh tàm pơgap 5 nam do mờ rlau 28 rbô 450 mpồl lơh sa kă bro; khà cau ờ geh broă lơh, ờ tơl broă lơh ngai sơlơ gơmù. Tơl niam rài kis mpồl bơtiàn geh sền gròi lam lơh. Jat Bộ Kế hoạch mờ Đầu tư yal, tu\ pràn jak lơh sa bơh rài lơh sa dê geh rề ơnàng den geh lơh gơs bơnàng jă ai rài lơh sa dà lơgar in bơtàu tơnguh tàm tu\ tơngai tus mờ ală khà kờp tơr gùm niam ngan ai ală nhai pơn jat tai mờ gùt nam 2019.

                 Cau mblàng K’Duẩn