Broă lơh nàng kờñ lơh jat Jơnau lơh nền tàm pơrjum sồ 36 nam 2026 Chính phủ dê bè lơh ƀuơn sră nggal gơ wèt mờ màh sồ tiah tam, màh sồ anih dăp ơn klơm phan, drơng broă tac phan mờ tac hờ lơgar ndai phan lơh gơs bơh suơn sre. Tàm càr Lâm Đồng, plai màk geh sac rơ wah nàng bơto pơlam broă rơndap lơh tam lơngăp lơngai, gơ dờp mờ tam gơl nhơm trồ tiah, pơgồp bal mờ cih mat, atbồ,  gàr sùm màh sồ tiah tam mờ jòi git anih lơh gơlik mờ ală broă bơh lơh gơlik tus tac phan lơh gơs.

Broă lơh kung sồr ngui Broă rơndap lơh Lơh broă tơl khà (SOP), rơhời lơh tơl niam broă lơh gơlik phan jat jơnau sồr drà kă bro dê. Tàm broă lơh, cau bơsram geh lòt sền broă lơh tơrlòng lài tam plai màk mờr 8 sàu tàm sàh Phú Sơn Lâm Hà, tam jat jơnau sồr VietGAP, ngui măi mok ƀồm dà hòr ntờc, ơn phơng is; mờ kung lòt sền hìu măi lơh gơlik phan lơh gơs bơh suơn sre geh bơta pràn lơh gơlik rlau 10 rbô tấn pah nam. Bơh bơto bơtê mờ tàm tơrbŏ bal mùl màl, Anih tờm Dong kờl bơto pơlam broă lơh sa suơn sre Dà lơgar wèt tus ai màh sồ tiah tam, jòi git anih lơh gơlik mut tàm ală mpồl tam phan, pơgồp bal tiah tam phan mờ broă lơh gơlik, tac phan mờ tac hờ lơgar ndai, tơnguh bơta pràn tàm pơrlòng phan lơh gơs bơh suơn sre Việt Nam dê.