Nam 2025, Gia Lai geh mờr 5 rbô 600 lồ plai màk, khà lơh geh rlau 210 rbô tấn. Càr neh geh lơh 48 màh sồ tiah tam mờ rlau 1 rbô 150 lồ mờ 6 anih ơn tàm kơldung drơng tac hờ lơgar ndai in. Tŭ do, gah lơh phan plai màk kung gam pal kong mờ uă bơta gơ kòl bè: tam mờ lơh gơlik phan gam rah rài, lơh bal ờ hềt kơ̆, bơta niam sơntìl ờ hềt ndrờm bal, kòp tu sa aniai kal ke, priă tă lơh logistics uă mờ bơta gơ kòl bè jak chài măi mok kal ke ngan bơh EU, Mỹ, Ñờk mờ Lo. 

 Tềng đap bơta geh ngan do, Anih cribơyai đơs sùm jơnau sồr lơh sir ală mpồl lơh bal, is ồn là broă lơh “Mpồl lơh sa kă bro – Mpồl lơh broă bal – Cau lơh broă sa”, wèt tus 5 mpồl, geh “Dà lơgar – Mpồl lơh sa kă bro – Mpồl lơh broă bal – Cau lơh broă sa mờ Anih priă jền”. Ƀộ Broă lơh sa suơn sre mờ Tiah ơm kis đơs nền, ală mpồl lơh bal là bơta tờm ngan nàng tơnguh pràn jak tàm pơrlòng, chồl tơnguh broă lơh sa suơn sre bơtàu tơnguh kơnhăp kơ̆ tàm tơnơ̆ do.