Do geh sền là tềl lời wơl kwơ màng tàm lơh ngan ai kơphê bơkah pơnrơ Robusta Việt Nam tus bal jrô rlau tai tàm drà lơgar Hàn Quốc dê kung bè mpồl bơtiàn kơphê bơkah pơn rơ ală lơgar.

Jat tơngume kĭ hơ, 2 mpồl ring bal pơgồp bal lam lơh ală broă lơh gơ hòi gơ jà kă bro phan, tam pà bal jơnau yal drà kă bro, tàm tơrbŏ bal mpồl lơh sa kă bro dong kờl bơtàu tơnguh ală bơta kwơ kơphê bơkah pơn rơ dê. Bơh lơh broă bal do, Ală mpồl kơphê Buôn Ma Thuột kơ̆p gơn kơphê bơkah pơnrơ geh tai tŭ tơngai niam tus bal mờ ală anih lơh broă tam pà phan, ală anih tăc dà kơphê specialty mờ cau ngui lơgar Hàn Quốc dê.

Tàm tơngume broă lơh, mat kă bro phan kơphê bơkah pơn rơ MISS EDE kung kĭ hơ sră cih kah lơh broă bal mờ Coffee Myungga – ală anih kơphê bơkah pơn rơ bơh lơgar Hàn Quốc dê geh rlau 35 nam bơtàu tơnguh. Lơh broă bal tơrgùm tàm broă bơtàu tơnguh tơl làm ală bơta kwơ kơphê Robusta bơkah pơn rơ Việt Nam dê, bơh sac rơwah gar kơphê, bơtàu tơnguh phan bơna di pal mờ bơta kờñ ngui lơgar Hàn Quốc dê tus bơta pơgồp bal tàm anih ràng tăc dà kơphê specialty, ală anih tăc rah rài kwơ màng mờ ală bơnàng jă kă bro phan điện tử.