Càr Dăk Lăk tŭ do geh rơlao 1 rơbô 700 nơm hìu ròng sềm rơbèt, tơrgùm uă tàm ƀòn dờng Buôn Ma Thuột mờ ală kơnhoàl Ea Kar, ea Súp, Krông Păc. Khà lơh geh rơsòt sềm rơbèt càr Dăk Lăk dê geh bơh 08 tus 10 tấn tàm 1 nam.

Càr Dăk Lăk là càr ơm lài ngan tàm tiah Tây Nguyên dê mờ geh tàm mpồl 10 càr, ƀòn dờng geh khà hìu ròng sềm rơbèt dờng ngan gùt lơgar dê. Tŭ do, gùt càr geh 15 bơta phan geh lơh bơh rơsòn sềm rơbèt geh tam pà khà là phan OCOP 3 sơrmañ, 8 bơta phan OCOP 4 sơrmañ. Càr Dăk Lăk neh geh khà rơsòn sề rơbèt sơnrờp ngan tăc tus drà kă bro lơgar Lo mờ gùng tờm bal mờ tăc jăt gùng dềt tus lơgar Mỹ, Australia mờ Nhờk… Bơdìh mờ ală cồng nha neh lơh geh, gah ròng sềm rơbèt tàm càr Dăk Lăk gam tìp uă kal ke mờ bơta lòng bè gùng dà broă rơndăp ù tiah ròng tờm, lơh, lơh gơs phan mờ tăc phan geh lơh, atbồ bơta niam mờ lơh geh măt phan kă bro.