Càr Lâm Đồng sền gĭt 350 hìu bơnhă geh kơnrồ dà toh gơtìp kòp mờ chơ̆t tơnơ̆ tŭ cĭt vaccine as sồt kơltau gơlik pơnời Navet - LpVac bơh Kông ty Navetco dê. Tơnơ̆ uă dơ̆ tìp mat tơm bơh bơr, tus tŭ do neh geh 330 hìu bơnhă làng bol mờ 7 rơbô 186 nơm kơn rồ kòp mờ 511 nơm kơnrồ chơ̆t ring bal tơm priă hoàc huơr bơh Kông ty Navetco dê mờ khà priă rlau 35 tơmàn 500 tơlak đong.

Tŭ do, Kông ty Navetco neh ai khà priă tơm dơ̆ 1 là 18 tơmàn đong, khà priă tơm dơ̆ 2 rơ̆p lơh sir lài mờ ngai 28 nhai 11 tus. Jat ồng Nguyễn Hà Lộc, Phó Kwang atbồ Sở Broă lơh sa mờ Bơtàu tơnguh Ƀòn lơgar càr Lâm Đồng, tŭ do gam 20 hìu bơnhă ờ hềt ring bal mờ broă lơh tơm priă hoàc huơr. Càr rơ̆p pơn jat tai sồr Kông ty Navetco lơh dơ̆ tìp mat tơm bơh bơr, ai broă lơh tơm priă di pal nàng kờñ gàr niam gơnoar kwơ ai cau ròng kơnrồ in.