Kơphe là phan tam geh khà uă ngan tàm broă lơh sa suơn sre càr Dăk Nông dê. Tŭ do, càr Dăk Nông geh rơlao 142 rơbô lồ ù tam kơphe, khà tơnhào geh rơlao 360 rơbô tấn, ơm dơ̆ pe tàm gùt lơgar. Ală nam pa do, uă mpồl lơh sa kă bro, mpồl lơh broă bal, mpồl lơh broă bal mờ làng bol kis tàm càr Dăk Nông neh sền kwơ tàm broă bơcri priă, ngui măi mok pa tàm lơh sa, den tàng bơta bơkah bơh kơphe gam rơhời gơguh.

Càr kung neh geh rơlao 23 rơbô lồ ù tam kơphe lơh jăt ală khà geh sră dờp bơh dà lơgar bal mờ ală lơgar dê, mờ ală broă tơrlòng lơh kơphe kơl jăp jăt mpồl geh kwơ. Tàm hơ̆ uă ngan tàm 02 nam pa do, càr Dăk Nông neh lơh geh 54 mpồl bơto pơlam lơh sa suơn sre mpồl bơtiàn, lơh jăt broă bơto pơlam, dong kờl làng bol, mpồl lơh broă bal ngui broă lơh geh tơl khà bơkah, kloh niam tàm phan sa.