Broă lơh dờng “30 ngai mang” lơh sồ jơnau yal tơnggit màh sồ tiah tam, anih dăp ơn klơm geh càr Dăk Lăk lam lơh bơh ngai 07/8 tus ngai 07/9, tơrgùm sền nền wơl, tơrgùm, lơh niam mờ yal jơnau tơnggit tiah tam, anih dăp ơn klơm tàm măi mok sồ ai tờm sầu riêng in.

Ală jơnum lơh broă pơgồp bal mờ gơnoar atbồ kâp hơ đơm mù tàm ƀòn lơgar, đal git jơnau yal tơnggit, rơhời ai jơnau yal tơnggit tiah tam tơmut tàm anih atbồ, geh bă ù, bă tiah, cau tờm atbồ, sră pơ àr adat boh lam mờ bơta geh ngan lơh sa tàm ù tiah ngan ngồn. Bơdìh mờ cồng nha 60% bă ù màh sồ tiah tam mờ anih dăp ơn klơm neh geh lơh sồ, càr Dăk Lăk kung sền gŏ ală bơta gam gơlik geh tàm tiah tam bè bơta kwi kuơ bè broă rơndap lơh, bơta chài măi mok mờ sră pơ àr ờ hềt tơl.