Bơh bồ nam tus tŭ do Ci kụk Tam phan mờ Sền gàr phan tam, gơwèt Sờh Broă lơh sa mờ Tiah ơm kis càr Lâm Đồng neh ai 234 bơta phan sầu riêng nàng mblàng jơnkah sơnơm sền gàr phan tam Cd, Pb, mờ sền nàng git phan lơh aniai.

Cồng nha mpồl lơh broă do neh dờp geh 4 tàm 78 bơta phan geh gŏ cì bŭ lah ờ uă ir mờ khà geh ai; 6 tàm 78 tiah tam gơtìp Cadima tàm hơ̆ geh 1 bơta phan gơtìp uă rơlao mờ khà geh ai; 6 tàm 78 bơta phan gơtìp phan lơh aniai. Gùt càr tŭ do geh 337 màh sồ tiah tam sầu riêng tăc mờ lơgar bơdìh, mùl màl tàm Tiah 1 càr Lâm Đồng lài do geh 197 màh sồ tiah tam sầu riêng mờ bă ù ơnàng rơlao 8 rơbô lồ mờ 37 hìu dăp; Tiah 2 càr Bình Thuận lài do geh 26 màh sồ tiah tam sầu riêng mờ bă ù ơnàng rơlao 1 rơbô 300 lồ mờ 12 hìu dăp; Tiah pe càr Dăk Nông lài do geh 114 mà sồ tiah tam sầu riêng mờ bă ù ơnàng rơlao 3 rơbô 700 lồ mờ 4 hìu dăp.