Dơ̆ càl pồt gơlik geh mho mang ngai 06 nhai 07 neh lơh gĭt nđờ rơhiang tờm sầu riêng mờr tơnhào tàm kơnhoàl Cư Mgar, càr Dăk Lăk dê gơtìp pừ, pă lơh hoàc huơr priă tơmàn. Uă cau lơh broă sa pơlai soh ngan tài bơh roh phan bơna.

Tơnơ̆ dơ̆ trồ tiah lơh aniai, làng bol mìng gĭt khòm tơrgùm wơl plai sầu riêng mơda gơs gơnru, pơn diang lòt sơrbì. Ai ală plai sầu riêng pa dum gơtìp gơrung geh tam cah is nàng tăc ai cau kă bro in mờ giă pơgap 10 rơbô đồng dùl kĭ nàng geh kàr lơi di kàr hơ̆. Cơldŭ lơh broă lơh sa suơn sre mờ bơtàu tơnguh ƀòn lơgar kơnhoàl Cư Mgar neh pơgồp bal mờ gơnoar atbồ ală xã tàm do nàng gĭt ală bơta, tơrgùm kờp hoàc huơr mờ gờñ geh broă lơh dong kờl cau lơh broă sa in dong ală tờm sầu riêng gơtìp sơling nàng dong plai gam wơl tàm tờm chi in dum.