Do là jơnau yal tàm dơ̆ pơrjum ờs mờng pah dơ̆ bơh Anih duh broă Làng bol càr Dăk Lăk dê bơyai lơh tàm drim ngai 16/07. Bulah lơh geh ală cồng nha niam ngan, mơya khà gơguh lơh sa bơh Dăk Lăk dê tàm 06 nhai bồ nam ờ hềt geh bè broă rơndăp lơh neh ai, rề priă ngui ù lơh geh dồ êt, gơrềng tus broă lam lơh jăt ală rơndăp broă lơh bơcri priă dà lơgar bơh kes priă càr. Broă lơh sa kă bro bơh mpồl lơh sa kă bro dê kung gam tìp uă kal ke, khà mpồl lơh sa kă bro tơn lời lơh broă mờ ơm ing lơh broă gơguh uă pơndrờm bal dồ tŭ mờ nam 2023.

Ồng Nguyễn Tuấn Hà, Phó Củ tịc duh broă sùm Anih duh broă Làng bol càr Dăk Lăk đơs là, tàm 06 nhai lồi nam, càr gĭt nền rơ̆p pal kong mờ ờ dồ êt kal ke tŭ ală mpồl lơh sa kă bro bơtàu tơngguh wơl lơyài; trồ tiah lơh aniai, kòp bơtờp gơbàn kal ke kan ngan gơtùi gĭt lài gơ sồr ală kâp ală gah broă pal lơh ngan lơh jăt gen hơ̆ sồng lơh geh ală jơnau kờñ lơh sa- mpồl bơtiàn bơh jơh gùt nam 2024 dê.