Tŭ do, gùt lơgar geh rlau 46 rbô lồ măk ka, uă ngan tam tàm tiah Tây Nguyên mờ Tây Bắc, kờp dŭ khà lơh geh tàm nam 2025 rlau 20 rbô tấn gar ris. Nam 2024, gùt lơgar tac hờ lơgar ndai geh mờr 600 tấn gar măk ka mơya kung pal blơi bơh lơgar ndai bơh 3 rbô 500 tus 4 rbô tấn gar măk ka ờ hềt lơh phan nàng drơng broă lơh gơlik phan mờ ngui sa tàm lơgar.

Uă bơta ờ niam tàm broă lơh gơlik mờ bơtàu tơnguh tiah tam măk ka geh đơs tus tàm anih cribơyai. Ồng Lê Quốc Thanh, Kwang lam bồ Anih tờm pơlam broă lơh sa suơn sre dà lơgar đơs nền là, do là ală bơta lòng dờng kờñ pal gờñ geh tă bơsong, ngan là pal bơt bơtàu gơtùi ală mpồl lơh bal lơh gơlik mờ tac phan mắc ka.