Sền gĭt ală tơngume pa bè lơh jat broă lơh OCOP geh cồng nha mờ kơ̆ kơl jăp, do là tơngume pơrjum mblàng yal broă lơh tơl xã dùl phan bơna OCOP tus kấp ủy, gơnoar atbồ, mpồl cau, ala mat mpồl lơh sa kă bro, Lơh broă bal, Mpồl lơh broă, cau tờm suơn dờng mờ hìu bơnhă lơh sa tàm ù tiah càr Dăk Lăk dê bơyai lơh ngai 19/09. Jơh gùt càr Dăk Lăk tŭ do geh 240 phan bơna OCOP geh bơh 3 tus 4 sơrmañ. Ală phan bơna ndrờm geh bơta ƀuơn, bơta pràn nàng tơnguh uă bơta niam lơh geh tơl jơnau sồr 5 sơrmañ (kấp dà lơgar) tus bal tàm drà kă bro ală lơgar bè kơphê, ka kao, mắc ca.

Ồng Nguyễn Hoài Dương, Kwang atbồ Sở Broă lơh sa mờ Bơtàu tơnguh Ƀòn lơgar càr Dăk Lăk, pà gĭt, do là dơ̆ nàng kấp ủy, gơnoar atbồ, mpồl cau, ala mat mpồl lơh sa kă bro, Lơh broă bal, Mpồl lơh broă, cau tờm suơn dờng mờ hìu bơnhă lơh sa tàm ù tiah càr dê sền gĭt ală tơngume pa, lơh jat broă lơh OCOP geh cồng nha mờ jơ̆ kơl jăp.