Rlau 1 tơlak tờm kơphe lơh geh broă lơh sa kơ̆ kơljap ai làng bol kòn cau Sơdàng in
Thứ ba, 06:00, 30/06/2026
Cau mblàng: K’Duẩn/VOV Tây Nguyên
Cau mblàng: K’Duẩn/VOV Tây Nguyên
VOV.K’Ho- Tàm ală dòr bơnơm sàh Tu M’rông, càr Quảng Ngãi rlau 1 tơlak tờm kơphe pa geh tam pa, sơn đờm broă lơh gơs tiah tam phan tơrgùm bal, lơh geh broă lơh kơ̆ kơljap sùm ai làng bol kòn cau Sơdàng in.
Bơh tŭ do tus jơh nhai 7, sàh Tu M’rông lơh ngan lơh gơs broă pà mờ dong kờl làng bol tam rlau 1 tơlak tờm kơphe tàm bă ù mờr 200 lồ. Jơnau kờñ lơh geh ờ mìng là tơnguh bă ù tam phan mờ gam rơhời lơh gơs tiah tam phan tơrgùm bal, lơh gơlik bơnàng jă nàng rề ơnàng kơphe jat mpồl lơh gơlik phan.
Ồng Võ Trung Mạnh - Bí thư Đảng ủy sàh Tu M’rông pà git, rlau 1 tơlak tờm kơphe geh tam tàm nam do mìng rơp là bơta sơn đờm. Tơngai bơh nam 2026 tus nam 2030, sàh tơlik jơnau kờñ dong kờl làng bol tam pa 1 rbô lồ kơphe; lơh ngan tus nam 2030, kờp jơh bă kơphe gùt sàh kờp dŭ geh mờr 1 rbô 588 lồ, wèt tus jơnau kờñ tơl hìu bơnhă làng bol geh bơh 1 lồ kơphe nàng bơtàu tơnguh lơh sa hìu bơnhă.
Viết bình luận