Cri bơyai geh jơnau đơs, ală nam pa do, bơta ngui sơnơm sền gàr phan tam, sơnơm gơsơ̆t tu, gơsơ̆t ñhơ̆t tàm broă lơh kơphe ngai sơlơ uă, lơh gơrềng ờ niam uă ngan tus mờ dà, bơta pràn kơl dang să jan mpồl bơtiàn.

Jăt jơnau kờp bơh Kụk Sền gàr phan tam yal, khà sơnơm gơsơ̆t tu ngui tàm tờm kơphe tàm 05 lít 1 lồ mờ 60% khà làng bol lơh broă sa gam ngui uă ir sơnơm gơsơ̆t tu. Mìng is tàm nam 2023, kờp dŭ kơl dung sơnơm sền gàr phan tam tàm broă lơh kơphe là 2 rơbô 150 tấn. Cri bơyai ai uă ngan tơngai geh jơnau đơs, ai geh uă ngan jơnau dan mờ đơs sùm broă tơrgùm mờ lơh kloh phan tơlik tàm broă lơh kơphe ờ mìng là kơnòl bơh làng bol lơh broă sa dê mờ kơnòl bơh mpồl bơtiàn dê, tàm hơ̆ geh gơnoar dờng ngan bơh mpồl lơh sa kă bro, bơh mpồl cau dùl nă să bal mờ ală mpồl lơh broă cíñ phủ gơrềng bal dê.