VOV4.K’Ho- Ƀộ Nông nghiệp mờ Phát triển Nông thôn pa bơyai lơh cribơyai “Gơn kơnờm bơtàu tơnguh tiah tam phan lơh gơs phan tơn siam phan ròng tơngời, bùm blàng tàm tiah Tây Nguyên”. Cribơyai tơrgùm bơyai gùng dà broă lơh rơcăng lài phan tam lơh gơlik phan tơn siam phan ròng tàm lơgar in.

VOV4.K’Ho- Ală nam do, ngui niam nùs nhơm lơh is, bơceh pa, pơrlòng tàm broă lơh sa, uă làng bol lơh broă sa tàm càr Gia Lai neh lơh ală broă lơh sa, kă bro geh cồng nha, lơh pas să tờm, là cau lam lài nàng mpồl bơtiàn ƀòn lơgar gùt dar bơsram bal.

VOV4.K’Ho- Là xã geh rlau 42% làng bol ơm kis là cau kòn cau dùl êt, 02 nam, bulah gơrềng bơh kòp dờng Kovid-19, mơya xã Phú Hội, kơnhoàl Đức Trọng, càr Lâm Đồng kung gam lơh ngan sơrlèt gan brồ guh sơl nàng lơh sir jơh ală broă jàu bơtàu tơnguh lơh sa- mpồl bơtiàn.

VOV4.K’Ho- Tơnơ̆ ală ngai chờ satềp Quý Mão, ngai do, nùs nhơm lik lơh broă bồ nam pa neh geh tàm ală ƀòn. Kơ̆p kờñ dùl nam pa trồ tiah mìu nhàc niam, kàl lơh sa geh tơnhào uă, làng bol lơh broă sa tàm ală càr Tây Nguyên satềp mơya kung gam tam jà bal lòt lơh broă tàm suơn, tàm mìr, koh ntê, tuh dà phan tam in.

VOV4.K'Ho - Ồng Pang Ting Brăng, kòn cau K’Ho ơm tàm Tổ zân phố 1, thị trấn Lạc Dương, kơnhoàl Lạc Dương là dùl tàm ală cau lơh broă sa pơn rơ gơguh jak bơh càr Lâm Đồng dê. Mờ bơta lơh ngan tàm broă lơh sa, ồng geh Ủy ƀan Ñân zân càr Lâm Đồng mờ Mpồl cau lơh broă sa dà lơgar Việt Nam pà ƀằng khen.

VOV4.K’Ho- Bi Nguyễn Xuân Tuấn, deh nam 1978 mờ bi Nguyễn Thị Hạnh Nguyên, deh nam 1979 là yô ùr bơklau neh geh tŭ geh broă lơh kơ̆ kơl jăp mờ priă lơh geh uă ngan. Bơklau là kỹ sư lơh broă sa sươn sre, ai pơ ùr là cau ătbồ broă priă jền ai dùl kông ty bơ̆t bơtàu dờng in.

VOV4.K’Ho- Nam do, tài bơh trồ tiah niam, cồng nha lơh geh tàu kàl lơh tàu nam 2022- 2023 do gơguh uă ngan, tàm tŭ giă tăc kung gơguh jơnhoa sơl lơh cau tam tàu tàm tiah tam uă tàu bơh càr Dăk Lăk dê, bè: Ea Kar, Mdrak, Buôn Đôn mờ Ea Súp geh priă cồng uă.

VOV4.K’Ho- Kơnờm ngui broă lơh tam phan pa, tơrmù priă tă ơpah cau lơh broă, cau tam rơpung kài tăc tàm drà kă bro sa tềp nam do tàm 2 kơnhoàl Dà Teh mờ Cát Tiên càr Lâm Đồng dê neh lơh geh cồng nha uă.

VOV4.K’Ho- Sa tềp bơhiàn dà lơgar dê nam Qúy Mão 2023 neh mờr tus rềp, tơngai do, cau tam bơkàu tàm Dăk Lăk mờ Quảng Nam kung gam ờ ru ngan mờ ală broă lơh sền gàr dŭt ndơl nàng geh ală khàp bơkàu niam ngan rlau jơh cèng lòt tăc tàm dơ̆ sa tềp.

VOV4.K’Ho- Drim ngai 10/01, Ủy ƀan Ñân zân càr Dăk Lăk bơyai lơh pơrjum tơn jơh kàl lơh kơphê nam 2021- 2022, broă rơndăp lơh kàl lơh kơphê nam 2022- 2023.