VOV4.K’Ho- Ngai òr (05/01), Ƀộ Nông nghiệp mờ Phát triển Nông thôn bơyai lơh pơrjum cri bơyai “Bơta niam tơnguh bơtàu tiah lơh phan sa phan ròng tơngời, bùm blàng tàm tiah Tây Nguyên”.

VOV4.K’Ho- Bơh ală broă lơh tơrlòng lài bơh Anih tờm dong kờl bơto pơlam lơh broă sa sươn sre dà lơgar dê lam lơh, cau lơh broă sa càr Quảng Trị neh rơhời tam gơl tus lơh sa sươn sre jăt gùng dà niam sàng goh. tam chi sa plai jăt gùng dà hữu kơ, ròng kati sàng goh siñ họk, ròng iar gơdờp mờ bơta duh mrềt jăt gùng dà ròng is neh lơh geh cồng nha uă

VOV4.K’Ho- Mờ 2 tơlak lồ ù lơh broă sa sươn sre, geh tus mờr 75% bă ù pơrhê ƀazan bơh jơh gùt lơgar dê, Tây Nguyên geh đơs là tiah bềng bơta pràn nàng gơ gơs là tiah lơh sa sươn sre tơrgùm bal, lơh gơlik ală bơta phan lơh geh bơh sươn sre geh priă jền uă, geh bơta pràn tàm pơrlòng mờ dunia.

VOV4.K’Ho- Mho òr (29/12), Viện Khoa họk Nông lâm nghiệp Tây Nguyên (Wasi) pơgồp bal mờ Kông ty kổ phần phơng sih Bìñ Điền bơyai lơh pơrjum tơn jơh broă lơh bal jŏ jòng tơngai bơh nam 2017 tus 2022, bal mờ Anih bơto pơlam broă lơh sa suơn sre Dà lơgar kĭ jơnau ring bal lơh broă bal tàm broă tam kơphe ngăc ngar tơngai bơh nam 2023 tus 2025.

VOV4.K’Ho- Ƀộ Nông nghiệp mờ Phát triển Nông thôn pa geh Jơnau sồr bè broă bơyai lơh “Sa tềp tam tờm chi sùm sùm kah ưn ngài Bác Hồ” di dơ̆ nam pa Qúy Mão mờ sơlơ tơnguh lơh broă atbồ, sền gàr, bơtàu tơnguh brê nam 2023.

VOV4.K’Ho- Nàng gơ hòi gơ jà mpồl lơh sa kă bro bơcri lơh tàm gah broă lơh sa sươn sre, uă broă lơh dờng geh Đảng, Dà lơgar ai lơh jat; ală tiah neh ai lơh jat broă lơh krơi is nàng dong kờl mpồl lơh sa kă bro bơcri priă tàm broă lơh sa suơn sre ƀòn lơgar mờ ală rơndap broă lơh pơn jờng bơcri priă, ală mat phan bơna lơh sa suơn sre tờm kấp càr dê.

VOV4.K’Ho- Tây Nguyên là dùl tàm ală tiah tờm lơh geh phan geh lơh bơh broă lơh sa suơn sre kă bro dờng ngan gùt lơgar dê mờ bơta geh uă bal mờ uă bơta bè jơi phan geh lơh bơh broă lơh sa suơn sre pơgồp bal mờ broă lơh gơs, tơnguh bơtàu nhơl chờ tiah kơh bơnơm niam.

VOV4.K’Ho- Bàr pe nam rềp ndo, ală phan bơna pơnrơ is tiah kòn cau mờ tiah kơh bơnơm dê neh dong rài kis làng bol geh bơtàu tơnguh tai uă ngan. Ală tiah neh mờ gam lơh pràn mblàng yal dong kờl bơtàu tơnguh ală phan bơna pơnrơ is, dong kờl ală cau tờm lơh, kĭ hơ ală sră pơrgon blơi phan mờ ală siêu thị, cau tăc bro dờng tàm dơlam mờ bơdìh càr.

VOV4.K’Ho- Bal mờ tam gơl pa bồ tơngoh tàm broă lơh sa suơn sre, uă hìu bơnhă cau lơh broă sa, hợp ták xã, mpồl lơh sa kă bro tàm Dăk Lăk neh mờ gam lơh jat ală broă lơh bal tàm broă lơh sa. Ală anih lơh bal neh dong cau lơh broă sa iang nùs lơh gơlik phan bơna, Hợp ták xã khin cha rề ơnàng bè broă lơh broă.

VOV4.K’Ho- Mờ uă bơta ƀuơn bè ù tiah, trồ tiah, càr Dăk Nông gam pơlam lơh sa suơn sre jăt jơnau kờñ dờp nàng tơnguh bơtàu lơh sa suơn sre kơl jăp. Tŭ do, càr Dăk Nông neh lơh gơs dùl tiah lơh sa suơn sre ngui kông nghệ kao (ơnàng 120 lồ) mờ 4 tiah lơh sa suơn sre ngui kông nghệ kao (kờp jơh bă ù ơnàng mờr 2 rơbô 500 lồ).