Ngai 14/6, tàm ƀòn dờng Buôn Ma Thuột, càr Dăk Lăk, Anih tờm pơlam broă lơh sa suơn sre dà lơgar pơgồp bal mờ Viện Khoa họk Kỹ thuật Nông Lâm nghiệp Tây Nguyên mờ Kông ty Kổ phần phơng sih Bình Điền bơyai lơh pơrjum lam lơh broă lơh “Tam, sơngka sền gàr kơphe ngac ngar gơ dờp mờ tam gơl trồ tiah tiah Tây Nguyên” tơngai bơh nam 2023 tus nam 2025. Broă lơh geh lam lơh tơrlòng lài tàm 15 kơnhoàl mìng tam uă kơphe mờ tam bơrlŭ mờ sầu riêng, tiêu bơh Tây Nguyên dê.

Tàm pơrjum, ală kwang bàng pơlam lơh sa suơn sre kâp hơ đơm geh pơlam ală bơta chài tơrgùm khà kờp tàm 500 hìu bơnhă tam kơphe tàm 5 càr Tây Nguyên. Ồng Phan Văn Tâm, Kông ty kổ phần phơng sih Bình Điền đơs là: Pơrjum dong ală gah tus bal git loh rlau tai bè kơnòl broă bơh tơl nă cau tàm broă lơh, bơh hơ̆ gàr niam là cồng nha lơh geh rơp dong kờl niam ai cau tam kơphe tiah Tây Nguyên in, dong làng bol lơh broă sa ngui ală cồng nha bơh broă lơh dê dùl bă geh cồng nha.