Nam 2024, priă lơh geh bơh  broă sa lơh suơn sre, phan brê mờ phan tam dà càr Dăk Lăk dê kờp dŭ lơh geh 23 rơbô 500 tơmàn đong, uă rlau 1,4 dơ̆ pơndrờm mờ kờp bal jơh gùt lơgar dê, tă pơgồp dờng tàm gơguh lơh sa bal bơh càr dê. Rơndăp tăp sèng tam phan lơh geh bơh broă lơh sa suơn sre bơh càr dê gam hời rơ hời geh tam gơl jat gùng dà pa ngan, bơtàu tơnguh jơh bal bơta ơnàng mờ bơta jrô, lơh jat niam bơta ƀuơn, bơta pràn bơh tơl tiah dê, pơgồp bal mờ jơnau kờñ drà kă bro, gơdờp mờ tam gơl nhơm trồ tiah mờ mut gơrờm bal mờ ală lơgar ndai. Càr Dăk Lăk pơn jat tai tam gơl pa mờ tơnguh uă cồng nha ală broă lơh lam lơh broă sa mờ pơn jờng gơ hòi gơ jà mpồl lơh sa kă bro bơcri priă tàm broă lơh broă sa.

Nam 2025, gah Broă lơh sa suơn sre càr Dăk Lăk ai jơnau kờñ lơh ngan priă lơh geh phan bơna lơh geh bơh broă lơh sa suơn sre, phan brê mờ phan tàm dà tàm ù tiah càr dê lơh geh 24 rơbô 700 tơmàn đong, bơtơ̆t rbòng dà gàr tơl broă tuh dà rcang lài ai rlau 85% bă ù phan tam in.