Jŏ jòng tus jơh ngai 30/12 do, broă lơh yal tơngĭt rlau 1 rơbô phan bơna bơkah pơn rơ tàm lơgar. Tiah ràng tơlik, yal tơngĭt mờ hòi jà kă bro phan bơna OCOP tàm ƀòn dờng Dà Làc geh rlau 200 anih ràng tăc phan bơh 120 mpồl lơh broă, mpồl lơh sa kă bro, ală mpồl hòi jà kă bro phan tàm lơgar tus bal. Tàm do, rlau 1 rơbô phan bơna pà sră dờp phan bơna OCOP bơh 3 tus 5 sơrmañ bơh ală tiah tàm lơgar, phan bơna bơkah pơn rơ ngan bơh ală kơnhoàl ù tiah dê geh yal tơngĭt tus mờ làng bol mờ năc lòt nhơl in.

Jat mò Nguyễn Thị Hồng Quyên, Kwang atbồ Kông ty TNHH Cô Ba Chuyên, càr Đồng Nai, do là tŭ tơngai niam dờng màng nàng mpồl lơh broă in yal tơngĭt phan bơna pơn rơ bơkah ngan bơh càr he dê tus mờ cau ngui sa tàm lơgar mờ năc ală lơgar in.