Do là nam dơ̆ 3 pơn jat sùm Củ tịc Anih duh broă Làng bol càr Dăk Nông tìp mat tơm bơh bơr mờ cau lơh broă sa. Rlau 130 jơnau lùp, jơnau đơs, jơnau dan neh geh pơyoa tus pơrjum. Ală kal ke, kòl yan tàm broă lơh sa suơn sre, cau lơh broă sa, ƀòn lơgar; broă lơh dong kờl lơh broă sa suơn sre; tam phan gơdờp mờ tam gơl nhơm trồ tiah; ală jơnau đơs, jơnau tă pơgồp, jơnau đơs bơsong ai rơndăp tăp sèng gah broă lơh sa suơn sre neh geh pơyoa tus Củ tịc Anih duh broă Làng bol càr Dăk Nông in.

Tàm ală jơnau đơs bơh cau lơh broă sa, mpồl lơh broă bal dê, ồng Hồ Văn Mười neh sồr ală Sở, Mpồl, gah broă, ală tiah tơrgùm tă bơsong ală kal ke, kòl yan nàng cau lơh broă sa in iang nùs lơh sa. Ồng Hồ Văn Mười kung pơndờm pơndiang làng bol cau lơh broă sa lơh ngan rlau tai tàm broă lơh sa, ngan là lơh geh ală anih lơh bal, ală mpồl lơh broă, mpồl lơh broă bal nàng tơrgùm priă jền, bơta pràn, sơlơ tơnguh lơh sa suơn sre tàm tiah do in.