Tàm Tiah tềl lời wơl kah yau Tiah jơnhoa 1049, gơwèt ù tiah xã Hơ Moong, kơnhoàl Sa Thầy, Ủy ƀan Ñân zân càr Kon Tum bơyai lơh Dơ̆ lam lơh sa tềp tam chi sùm sùm kah ưn ngài Wa Hồ mờ lơh jăt ngai Tiah ơm kis dunia (05/06) nam 2023. Tơnơ̆ Dơ̆ lam lơh tơn, ală cau ala mat neh tus bal tam 2 rbô 500 tờm nho 3 nha lơh geh ù tiah brê bơnơm mờ sền gàr tiah ơm kis gùt dar tiah tềl lời wơl. Broă lơh tam chi pơgồp bơnah sền gàr tiah ơm kis, lơh geh ù tiah brê bơnơm tàm ală tiah tềl lời wơl kah yau mờ tiah lòt nhơl kung dùl ròt geh ală kơnhoàl, ƀòn dờng bơh càr Kon Tum dê lam lơh. Tàm nam 2023 do, càr Kon Tum geh jơnau kờñ tam pa 4 rbô lồ brê mờ 600 rbô tờm chi rah rài. Tàm 05 nam tơngai lơh kơnòl broă Pơrjum dờng khoă XVI Đảng ƀộ càr Kon Tum pơđơl pràn lơh ngan tam pa 15 rbô lồ brê mờ 3 tơlak tờm chi rah rài.