Nàng ai geh bơta ngăc ngar, broă lơh mờng chài bal mờ ală broă dong kờl cau ùr mŭt lơh broă, sơn đờm kă bro. Tàm dơ̆ pơrjum, kwang bàng geh iăt cau jăk chài yal bè ală tơngu me broă lơh bè: ală broă bal bè broă koă bro, hòi jà cau năc tàm rài lơh sa mờ măi mŏk 4.0; lơh broă, hòi jà kă bro tàm càr Dăk Lăk tŭ do – ală bơta niam mơ bơta tòng gơwèt mờ cau ùr tàm broă mŭt lơh broă, kă bro; tơnguh uă broă lơh jŏ jòng, tam gơl priă geh – broă mờng chài bơh ală mpồl lơh sa kă bro dờng.

Mờ ală jơnau yal geh ngan mờ mùl màl, pơrjum neh dong kờl ală oh mi cau ùr geh tai ală jơnau git wă, broă mờng chài mờ broă lơh di pal nàng mŭt lơh broă, sơn đờm broă kă bro; ngui ală bơta geh bơh kông nghệ nàng tơnguh uă bơta niam phan geh lơh, bơ̆t bơtàu khà măt kă bro, bơta pràn tàm pơrlòng.