VOV4.K’ho- Mang òr 15/11, tàm Hà Nội, Mpồl Tam klac ơruh pơnu dà lơgar Việt Nam pơgồp bal mờ Bộ Giáo dục mờ Đào tạo, Bộ Lao động, Thương binh mờ Xã hội bal mờ Tập đoàn Thiên Long bơyai lơh Broă lơh “Tam pà bal mờ cau pơgru” nam 2018 nàng kờ` jờng rơ ală cau pơgru gam bơto kơnòm kue\t kơlte tàm ală hìu bơsram krơi is, Trung tâm dong kờl bơtàu tơnguh bơto bơtê gơrờm bal mờ Trung tâm sền gàr dong kờl mpồl bơtiàn.

Đơs tàm dơ\ lơh broă do, ồng Vũ Đức Đam, Phó Thủ tướng Chính phủ đơs niam ngan mờ jờng rơ Mpồl bơyai lơh neh geh broă bơceh lơh bơyai lơh broă lơh do mơkung đơs ngan: Bơh krơh ală cau pơgru, rlau 1 tơlăc nă cau pơgru tàm gùt lơgar sùm sền ki ngàm mờ tơngkah is să tờm sơrlèt gan kal ke nàng pơgồp bơnah bơto mpồl cau lơh broă geh bồ tơngoh jak ai dà lơgar in.

Gơ wèt mờ ală kơnòm bơsram kue\t kơlte, bulah siău siar ờ wil tơl bè phan bơna mờ nùs nhơm mơya kung gam sùm kơ\p kờ` lơh ngan pơđơl pràn sơrlèt gan tàm broă bơsram sră. Uă bơyô kue\t kơlte neh lơh ngan pơđơl pràn sơrlèt gan is să tờm he dê lơh geh ală jơnau mờ ală cau bè ờs ờ rơgơi lơh geh, lơh ai dunia in gi\t tus Việt Nam.

Cau mblàng Lơ Mu K’Yến