VOV4.K’ho- "Pal mờ jơh ală broă, jơh ală mpồl cau mờ jơh ală gùng dà broă lơh bơ\t bơtàu tus geh bơta tam klac tơrgùm bal tàm jơh gùt Đảng mờ bơta dùl nùs bal tàm làng bol”- Do là jơnau sồr bơh ồng Nguyễn Phú Trọng, Tổng Bí thư Đảng dà lơgar dê đơs tàm dơ\ lơh broă mờ Ban Tuyên giáo dà lơgar tàm ngai òr 1/8.

Đơs uă ală cồng nha bơtàu tơnguh tơl ală bơta bơh dà lơgar dê mờ nàng lơh geh nùs nhơm pin dờn tàm làng bol, uă srơh broă lơh gơ gơs lơh is, dùl nùs bal tàm mpồl bơtiàn, Tổng Bí thư kung đơs là pal rơcang ngac, tài bơh bal mờ ală bơta niam ngan kung gam sơl bàr pe bơta ờ hềt niam ờ hềt pràn jak kờ` pal geh bơsong.

Tàm tu\ tơngai, mblàng yal jơnau sră báo bơtàu tơnguh mhar mờ uă ngan den broă sồr bơto pơlam, pơlam gùng ai sră báo, ai văn học nghệ thuật in ờ hềt kràn cê jơh nùs: broă lơh atbồ báo mạng, internet là dùl broă lơh mblàng yal jơnau pa den gam uă kwi kwơ, ờ hềt pràn jak.

Ring bal mờ 9 kơnòl broă tờm ai tơlik ai gah Tuyên giáo in tàm tơngai tus, Tổng Bí thư kung đơs uă, broă lơh kơlôi sơnơng, bơto bơtê, mblàng yal cribơyai, bơ\t bơtàu Đảng bè chính trị mờ nùs nhơm bồ tơngoh là gơnoar broă, kơnòl broă kuơmàng ngan bơh Ban Tuyên giáo dà lơgar mờ gah Tuyên giáo dê.

Cau mblàng Lơ Mu K’Yến