VOV4.K’ho- Mho ngai 17/8, pơn jăt tai dơ̆ pơrjum dơ̆ 2, Ủy ban Thường vụ Quốc hội ai jơnau đơs bè bơta pal jăt, broă jàu mờ ai khà tam pà kờp dŭ lài tă dơ̆ ngui sùm kes priă dà lơgar nam 2022. Bàr pe broă geh uă jơnau đơs cribơyai tàm dơ̆ pơrjum là broă lơh priă jền krơi is. Chính phủ sồr, ală mpồl gam lơh jăt broă lơh priă jền, priă lơh geh krơi is tàm bàr pe anih lơh broă geh pơn jăt tai geh lơh tàm nam 2022 tus dì tŭ lơh jăt tam gơl priă nhai tàm ngai 01/7/2022.

Ủy ban Priă jền Kes priă dà lơgar sồr Chính phủ mblàng lơh loh làng rlau tai nàng sền gàr bơta gơtùi lơh jăt ngan ngồn mờ dipal đah jơnau kờñ lơh tam gơl priă nhai mờ ală tơngume rơcăng cih bè bơta pal jăt, broă jàu, ai khà tam pà kờp dŭ lài tă dơ̆ ngui sùm bơh tơngai kơ̆ kơl jăp kes priă dà lơgar nam 2022 tus nam 2025. Bè broă do, Chủ tịch Quốc hội ồng Vương Đình Huệ đơs nền, kơrnoat bơh Dà lơgar dê neh đơs nền broă tam gơl priă nhai ngan ngồn pal lơh tàm ngai 01/7/2022, jăt mờ hơ̆ jơh ală broă lơh krơi is pal geh sơrbì tĕ.

Cau mblàng Lơ Mu K’Yến