VOV4.K’ho- Mho ngai 22/9, UBND ƀòn dờng Buôn Ma Thuột (càr Dăk Lăk) neh ai ngui sră nggal sồ 4224 bè broă ai gơnoar ală anih lơh sa kă bro phan sa, dà hùc (anih tăc phan sa, anih tăc phan ñô sa, anih ràng tăc dà kơphê) lơh broă wơl, sơnđờm bơh 0 jiơ mang ngai 23/9/2021.

 Jat hơ̆, ală anih lơh sa kă bro drơng broă phan sa- dà hùc, tŭ lơh broă wơl pal lơh jat ală bơta rcang sơndră kòp Covid-19, bè ờ drơng broă uă ir 10 nă năc tàm dùl tŭ ; tŭ anih ràng tăc phan geh tiah kă bro dờng ơnàng rlau 150 thơk vuông geh drơng broă uă ngan rlau jơh 20 nă cau. Ală cau tờm lơh sa kă bro pal ai cau đo was să jan, lơh kloh khuẩn, sùm pơs wàs, rào kloh, lơh kloh khuẩn cơghĕ, kƀàng nggui tơnơ̆ dơ̆ năc lik rê. Tŭ do, bơta kòp tàm ù tiah ƀòn dờng Buôn Ma Thuột dê sền bal là neh geh sền gròi, 6 tiah kòp pa geh tàm ală sơnah ƀòn Thành Nhất, Tân Thành, Tân Hòa sền bal là neh geh kơryan, ờ geh tai cau kòp pa tàm mpồl bơtiàn; gùt ƀòn dờng geh 7 sơnah ƀòn, xã neh jơh 14 ngai mờ 11 sơnah ƀòn, xã neh jơh 7 ngai ờ geh cau kòp tàm mpồl bơtiàn.

Cau mblàng K’Hạnh