VOV4.K’ho-Lơh jat “Rơndăp broă lơh bơ\t bơtàu [òn dờng ngac ngar”, lồi nam 2017 lài do, sơnah [òn Thống Nhất, [òn dờng Buôn Ma Thuột, càr Dak Lak tus crăp tơrlòng lài ală măy camera gròi sền bơta lơngăp lơngai tàm ală tiah là tiah pơneh bè roh bơta lơngăp lơngai rơndăp tăp sèng, ờdo ờdă lòt rê tàm gùng.

Bơh ală măy camera do neh sền go\ bơsong uă ngan dơ\ broă lơh tìs kơrnoat boh lam, ku\p bàr pe nă cau, tơnguh uă broă lơh gròi sền bơta lơngăp lơngai, ờdo ờdă lòt rê tàm gùng tàm ù tiah do.

Ală gơl gùng drà tàm tiah tờm bơh [òn dờng Buôn Ma Thuột dê, bè: Y Jút, N’Trang Lơng, Lý Thường Kiệt, Hai Bà Trưng, Điện Biên Phủ...gơ wèt sơnah [òn Thống Nhất, [òn dờng Buôn Ma Thuột sùm gal ngan cau mờ duh hồl nggồr nggàc ngan…Tàm do, geh uă hìu `ô sa dờng, hìu năc, ngân hàng, hìu hùc dà kơphê, tiah tờm kă bro, drà mang lơh broă.

          Kơnờm rùp cùp tàm măy camera gròi sền mờ mờr jơ\t dơ\ lơh tìs kơrnoat boh lam geh sền go\ mờ bơsong

Bi Mai Huỳnh Tiên, là cau kă bro tàm drà Buôn Ma Thuột pà gi\t, lài do, tiah do sùm là tiah pơneh ngan bè bơta ờ lơngăp lơngai ờ rơndăp tăp sèng bal mờ jơnau tung kơ`au phan, dong gàr lơh broă tìs mờ ngan là kơ`au phan bơna gơlik geh sùm tàm tiah drà mang.

Tơnơ\ tu\ Ủy ban Nhân dân sơnah [òn Thống Nhất crăp ală măy camera gròi sền bơta lơngăp lơngai, gròi sền is tàm bàr pe gơl gùng drà, tàm dơlam tiah drà mang, den jơnau ờ niam neh gơmù ngan. Làng bol iang nùs lơh sa kă bro, năc lòt nhơl kung ờ gam kơlôi rơcang tai ngòt gơtìp cau tung kơ`au phan bơna tai.

 "A` kă bro tàm do neh nđờ nam do rao, jơnau tung kơ`au phan lài do geh uă ngan. Ală cau sùm lơh pơrlồm bè cau geh bun mờ lòt tàm bơrlu\ bal nàng tung kơ`au phan bè bóp prăp priă, sră pơ àr să jan dê, điện thoại lơh năc lòt nhơl tus blơi phan ờ suk ngan.

Bơh tu\ geh ală măy camera gròi sền bơta lơngăp lơngai den neh niam rlau, broă tung kơ`au phan ờ gam geh tai, tài bơh ală cau blơi khai ngòt gơtìp ală măy camera gròi sền bơta lơngăp lơngai sền go\.

Năc lòt nhơl lòt tus tiah drà mang do tu\ do neh iang nùs ờ go\ kơlôi rơcang tai, ală cau kă bro bè bol a` do den kung ờ gam jơnau kơlôi rơcang ngòt gơtìp tung kơ`au phan bơna tai”.

Lồi gùng Quang Trung, tiah rềp nhàr bal mờ sơnah [òn Tân Tiến lài do là tiah pơneh ờ niam ngan bè ma túy. Tàm tu\ tus gùl bơnang mang jơngo, ală cau ngir sơke ma túy sùm tơrgùm uă ngan gùt dar tiah do nàng chu mờ cit.

                        Dùl dơ\ tam lơh geh bơsong kơnờm bơh ală măy camera gròi sền bơta lơngăp lơngai

Ồng Phạm Quốc Hưng, ơm tàm lồi gùng Quang Trung, sơnah [òn Thống Nhất pà gi\t, bơh tu\ geh ală măy camera gròi sền bơta lơngăp lơngai geh crăp tàm tiah do, den jơnau ờ niam ma túy neh gơ mù ngan, làng bol neh sa bơkah bi\c lơhă ngan.  

"Lài do, drim lơi a` kung guh bic lơm kung pal lik lòt tềng đap hìu nàng sền, pơs wàs tài bơh ală cau sùm chu, ci\t hơ\ sồng sơrbì jrum ci\t tềng pơngàr, [làng hìu a`. Dilah ờ lòt sền den là ngòt rơngơ\t ngan tài bơh ngòt ală sau dềt jă di.

Mơya, bơh tu\ [òn dờng tus crăp măy camera gròi sền tàm bồ tô gùng do den ală cau ngir sơke ma túy khai ngòt gơtìp măy ku\p rùp gơtìp sền go\ den ờ go\ tus chu ci\t ma túy tai. Làng bol tàm tiah do geh sa bơkah, bic lơhă ngan”.

Thống Nhất là sơnah [òn gơ ơm tàm tiah tờm [òn dờng Buôn Ma Thuột dê, ală broă lơh kă bro, drơng broă geh lơh duh hồl uă ngan sùm ngai kung bè mang sơl. Ală cau lơh tìs sùm rwah ù tiah do nàng lòt tung kơ`au phan, lơh roh bơta lơngăp lơngai rơndăp tăp sèng ờdo ờdă.

Thiếu tá Nguyễn Đắc Linh, Kuang atbồ Kuang àng sơnah [òn Thống Nhất pà gi\t, bơh tu\ ală măy camera geh crăp, bơh rùp hin, mpồl kuang àng neh sền go\ geh mờr jơ\t dơ\ lơh tìs kơrnoat boh lam, ku\p 2 nă cau tung kơ`au phan bơna, rơndeh măy, tung kơ`au phan tàm tiah drà mang mờr bè ờ go\ gam geh tai.

Kơnờm ală măy camera, bơta lơngăp lơngai rơndăp tăp sèng tàm sơnah [òn Thống Nhất, [òn dờng Buôn Ma Thuột geh sền gàr niam rlau

Pa do ngan rlau jơh là dơ\ tam lơh tàm gùng Điện Biên Phủ, kơnờm bơh rùp cùp bơh ală măy camera sền gròi bơta lơngăp lơngai neh dong gah lơh broă geh gơnoar bơsong mhar dơ\ broă do.

"Tàm gùng Điện Biên Phủ geh 2 tiệm kă bro ốp điện thoại at tê tam lơh gơ\p. Kuang àng sơnah [òn tus lơh broă, tàm tu\ lơh broă den đah lơi kung đơs là he di, ờ go\ bài dờp là he tìs, ờ go\ bài dờp là he lơh cau lài. Bol a` neh pờ rùp cùp bơh măy camera gròi sền bơta lơngăp lơngai bơh ală cau tờm tiệm dê mờ ală làng bol gùt dar sền den sền go\ geh hìu ràng tăc phan lơh tìs, lơh cau lài den tàng bơsong sơrbac mhar ngan dơ\ broă do. Bơh dơ\ broă do, làng bol tàm do kung kờ` ngan jơh nùs”.

Mò Trịnh Như Ngọc, Chủ tịch UBND sơnah [òn Thống Nhất, [òn dờng Buôn Ma Thuột pà gi\t, ală măy camera gròi sền bơta lơngăp lơngai geh crăp bơh lồi nam 2017 pa do, mờ kờp jơh priă tă lơh là mờr gùl tơmàn. Tàm hơ\, uă ngan là bơh bàr pe mpồl lơh sa kă bro dong kờl, kes priă sơnah [òn dê tă pơgồp dùl bơnah.

Ală măy do geh 48 nơm măy camera gròi sền bơta lơngăp lơngai tàm 25 anih tàm bàr pe gơl gùng, tiah drà mang, ală tiah anih gơlik geh bơta kal ke ờ niam bè bơta lơngăp lơngai, rơndăp tăp sèng ờdo ờdă lòt rê tàm gùng. Ală măy camera do geh tàm tơrbo\ bal mờ dùl màn hình LCD dờng, ơn tàm phong duh broă bơh Kuang àng sơnah [òn Thống Nhất dê.

Kơnờm bơh ală măy camera do, gơnoar atbồ mờ gah lơh broă geh gơnoar [ươn [oài ngan tàm broă gròi sền bơta lơngăp lơngai- rơndăp tăp sèng tàm ù tiah do. Rùp hin cùp geh prăp gàr tàm tơngai jo\ jòng den tàng gah lơh broă geh gơnoar geh cơng tàng nàng bơsong gi\t nđờ jơ\t dơ\ broă tung kơ`au phan bơna, ku\p geh ală cau lơh tìs, bơsong dipal ală dơ\ tam tơm rơndeh tàm gùng…

Mò Trịnh Như Ngọc, Chủ tịch UBND sơnah [òn Thống Nhất pà gi\t, tơngai tus geh pơn jat tai hòi jà làng bol tă pơgồp tai priă jền nàng rề ơnàng lơh uă broă do.

"Nàng lơh geh broă do, bol a` neh bơyai lơh pơrjum làng bol mờ mờr bè jơh ală 100% làng bol ring bal mờ kờ`. Bol a` ờ tơl pơgăp 700 tơlak priă tai, bơnah do bol a` geh hòi jà làng bol tă pơgồp tai pơgăp 500 rbô đong dùl hìu mờ gam lòt tă. Geh jơnau là chờ hờp ngan là tàm dơ\ pơrjum tơn, uă hìu làng bol cau tă pơgồp tơn priă jền, hơ\ là bơta [ươn [oài ngan.Bol a` rơcang ală broă geh mu\t lơh broă niam den ngan ngồn là tàm lồi nhai 8 nam do là geh lơh gơs”.

Jat rơndăp broă lơh bơ\t bơtàu [òn dờng Buôn Ma Thuột gơ gơs là “[òn dờng ngac ngar, tơlir, kloh mờ pa ngan”, jơh ală xã, sơnah [òn ndrờm pal crăp ală măy camera gròi sền bơta lơngăp lơngai.

Mờ cồng nha bơh sơnrờp tàm sơnah [òn Thống Nhất, tơngai tus, UBND [òn dờng Buôn Ma Thuột, càr Dak Lak geh pơn jat tai hòi jà tă pơ gồp priă jền nàng rề ơnàng lơh uă broă lơh do. Bơh hơ\, tơnguh uă rlau tai broă lơh sền gàr niam bơta lơngăp lơngai rơndăp tăp sèng, ờdo ờdă mpồl bơtiàn, ờdo ờdă lòt rê tàm gùng tàm làm gùt ù tiah [òn dờng dê!

Cau mblàng Lơ Mu K’Yến