VOV4.K’ho- Mho ngai 07/9, Ủy ban Nhân dân ƀòn dờng Buôn Ma Thuột, càr Dăk Lăk neh tơlik sră nggal sồ 4016 kờñ lơh thoàr 2, 3 jơnau cih tàm broă rơcang sơndră kòp Covid-19 tàm ƀòn dờng hời rơhời geh sền gròi tơnơ̆ 10 ngai lơh jat jơnau sồr sồ 16 bơh Thủ tướng Chính phủ dê.

Anih gròi sền kòp tàm xã Cư Ebur, ƀòn dờng Buôn Ma Thuột

Jat hơ̆, bơh 5 jơ mho ngai 07/9, ƀòn dờng Buôn Ma Thuột ai gơnoar ală broă lơh bơt bơtàu tàm ƀòn dờng geh lơh broă wơl. Ƀòn dờng kung ai gơnoar pờ mpồng anih tac phan, anih tac phan bơt bơtàu, anih tac phan siam phan ròng geh pờ mpồng lơh broă bè ờs mơya pal rơndap ai ờ rlau 50% khà cau lơh broă. Broă blơi mờ tac phan tàm ală anih do pal gàr niam lơh jat jơnau sồr 5K mờ ală jơnau sồr bè rơcang sơndră kòp Covid-19.

Cau mblàng K’Duẩn