VOV4.K’ho - Drim òr (01/12), tàm ƀòn dờng Kon Tum, càr Kon Tum, UBND càr Kon Tum bơyai lơh dờp phan lơh sơnơm drơng broă rơcang sơndră mờ kòp Covid-19 geh càr Bình Dương jào pà.

        Ala măt càr Bình Dương jào pà phan lơh sơnơm rơcang sơndră mờ kòp Covid-19 ai càr Kon Tum in

Dờp gơnoar ai bơh Tỉnh ủy, UBND càr Bình Dương, ala măt UBMT dà lơgar Việt Nam càr Bình Dương mờ Sở Y tế càr Bình Dương neh jào pà càr Kon Tum ờ uă phan lơh sơnơm nàng dong kờl càr do drơng tàm broă rơcang sơndră mờ kòp Covid-19, tàm hơ̆ geh: 200 nơm jơnờng lòs geh crăp gùng che ồs đèng, 100 nơm măi lơh geh oxy, 200 nơm măi was SPO2 mờ 520 nơm phan was bơta duh să jan. Tus tŭ do, càr Kon Tum geh rơlao 600 nă cau gơtìp kòp Covid-19, tàm hơ̆ geh 44 nă cau tàm mpồl bơtiàn mờ ờ hềt geh cau lơi gơtìp jroă gơwèt cờn cau kòp 2, 3. Pa do, càr Kon Tum neh ai mpồl kuang bàng geh 30 nă cau lơh sơnơm tus dong kờl càr Bình Dương tam dră mờ kòp gơtờp. Mùl màl tus bal tàm broă atbồ, sơm kòp ală cau F0 do là ală broă bơsram broă lơh mờng chài geh kuơ ngan gam geh gah lơh sơnơm càr ngui tàm ală hìu sơm kòp.

Cau mblàng Ndong Brawl