VOV4.K’ho – Mpồl lơh broă bơh càr Champasak, lơgar Lào dê bơh ồng Bualin Vongphachan, Phó Kuang atbồ càr lơh Kuang atbồ mpồl pa geh dơ\ tus còp mờ lơh broă mờ càr Daklak.

Tàm dơ\ lơh broă, Kuang đơng lam bồ UBND càr Daklak kơp kờ`, 2 càr kờ` pal sơlơ tam klac rlau tai, pơn jat tai cribơyai mờng chài tàm ală gah lơh sa, kă bro, nhơl chờ, niam chài, bơto bơsram, sền gàr ngap lơngai, lơh sơnơm, kung bè broă gơ hòi gơ jà priă bơcri bơh lơgar ndai; dong kờl mờ ai geh bơta [uơn nàng ală cau bơcri priă, mpồl lơh sa kă bro bơh 2 càr dê lơh ală broă lơh lòt sền, kơlôi sơnơng drà kă bro mờ hòi jà ală bơta git gơp lơh sa…

Ưn ngài bơta wă rò niam ngan bơh càr Daklak dê, ồng Bualin Vongphachan đơs niam bơta dong kờl bơh lơgar Việt Nam dê đơs bal mờ càr Daklak dê đơs is ai càr Champasak in tàm tơngai lài.

Hơ\ là bơta kuơ màng nàng 2 càr in pơn jat tai bơtàu tơnguh rlau tai git gơp tam klac lơh bơ yô kuơ màng, dong lơh gơs bơta tam gơl niam ai broă chồl pràn bơtàu tơnguh lơh sa mpồl bơtiàn tàm tơngai tus. Di tu\ do, mpồl lơh broă càr Champasak neh jàu pà 10 rbô đôlar Mỹ dong làng bol càr Daklak bơsong jơnau gơ lời wơl bơh càl rbu\t dờng sồ 12 lơh aniai.