VOV4.K’ho - UBND càr Dak Lak pa bơyai lơh pơrjum tơn jơh kàl lơh kơphe nam 2017 – 2018, lơh jăt kàl lơh sa 2018-2019.

Kàl lơh sa lài, bă ù tam kơphe càr Dak lak geh rơlao 204 rơbô lồ, gơguh rơlao 1 rơbô lồ. Mơya, bă ù geh tơnhào gơmù rơlao 4 rơbô 200 olồ. Cồng nha kờp bal tơl lồ geh 2 tấn nggùl.

Kờp jơh khà geh lơh di gơlan geh mờr 460 rơbô tấn, gơguh mờr 12 rơbô tấn pơn drờm mờ nam lài. Nam do, càr Dak Lak neh tăc mờ lơgar bơdìh rơlao 191 rơbô tấn kơphe, gơmù mờr 10 rơbô tấn, khà geh kung gơmù 80 tơlăk đôlar Mỹ pơn drờm mờ kàl lơh sa lài.

Di gơlan tàm kàl lơh sa 2018-2019, càr Dak Lak geh sùm bă ù ơnàng 204 rơbô 500 lồ, cồng nha geh di gơlan 2 tấn nggùl tàm 1 lồ, kờp jơh khà lơh geh rơlao 464 trơbô tấn, tăc mờ lơgar bơdìh 220 rơbô tấn.

Cau mblàng Ndong Brawl