VOV4.K’ho - Càr Dăk Lăk lơyài tam gơl bơh Zero covid tus mờ kis bal mờ kòp gơtờp, hơ̆ là jơnau đơs bơh Tiến sĩ Cao Hưng Thái, Phó Cục atbồ Cục atbồ kham sơm kòp, kuang lam bồ mpồl lơh broă bơh Bộ Y tế tàm dơ̆ lơh broă mờ UBND càr Dăk Lăk.

             Tiến sĩ Cao Hưng Thái, Phó Cục atbồ Cục atbồ kham sơm kòp geh jơnau đơs tàm pơrjum

Bè broă cit sơnơm rơcang sơndră mờ kòp, càr neh dờp 13 dơ̆ sơnơm vaccine bơh Bộ Y tế mờ kờp jơh mờr 1 tơlăk 700 rơbô ding; tus tŭ do cit geh mờr 1 tơlăk 500 rơbô ding, tàm hơ̆ cit ding dơ̆ 1 geh 90,9% khà kờp làng bol bơh 18 sơnam rơlao hờ đang, cit ding dơ̆ 2 geh 21,1%. Đơs tàm dơ̆ lơh broă, Tiến sĩ Cao Hưng Thái, Phó Cục atbồ kham sơm kòp, đơng lam càr Dăk Lăk pal lơh jăt ală broă lơh gơdờp bal mờ bơta bơh kòp Covid-19 gơtờp; hòki jà ală hìu sơnơm cau dùl nă să lơh is tus bal tàm broă tam dră mờ kòp; gờñ lơh jăt broă atbồ, sơm kòp cau F0 tàm hìu, crơng gơs hìu sơnơm ntrờn, lơh anih hồi sức tích cực; tơnguh bơta pràn xét nghiệm RT-PCR. Mờ chồl pràn broă lam sồr nàng làng bol in pơn jăt tai lơh jăt nền nòn jơnau sồr 5K...

Cau mblàng Ndong Brawl