VOV4.K’ho - Nhai prang neh tus, sa tềp bơhìan dà lơgar gam tus rềp,  bơta kờ` ngui đèng mờ drơng tàm broa\ lơh sa ngan  geh kờ` ngui ua\. Nàng gàr niam tơl đèng ngui mờ ngui niam,  Kong ti ồs đèng Daklak neh lơh ngan lơh niam gùng ce đèng, jrong đèng nàng drơng cau nac ngui đèng niam ngan rlau jơh.

            Mờr 1 lồ ù bơh hìu nha\ lo\ Nguyễn Thị Liễu, kis tàm [òn Kô Dung B, xã Ea Nhuôl, kơnhòal Buôn Đôn, càr Daklak lài do mìng gơtùi lơh sa tàm nhai mìu lơm, mơya tu\ do gơ neh tơlir crư gùt nam kơnờm geh ồs đèng bồm dà. Bơh tu\ ồs đèng kơnhòal Buôn Đôn lơh niam wơl gùng ce đèng mờ geh lơh tai bơsir ala\ trạm, hìu nha\ lo\ Nguyễn Thị Liễu neh khàong tơrlung dà. Crap gùng ding tuh dà tàm suơn tờm plai màk mờ ala\ bơta chi tam sa plai. Kơnờm geh đèng nàng bồm dà, bal mờ tuh phơng den tàng suơn rhàng bơh hìu nha\ lo\ Liễu tơlir niam gơs nhai mìu kung bè nhai prang:

            Bơh tu\ geh đèng, a` khoàng tơrlung dà, hơ\ sồng crap bép, ming til cầu dao la gơtùi tuh dà mo tơn, ờ roh ua\ tu\ jiơ. Mờr tus do a` gam sơnơng lơh tơn tơnau dà nàng klài phơng tuh dà tơn, phơng gơ lòt  bal mờ dà, bơtuah ờ roh tơngai tuh phơng. Ờ duh ngui ma\y bồm bồm bơh tơnau gơguh nđờ rhiang thơt hơ\ sồng hòai ding bơh tềng do tus tềng ne bòl glar ngan.

            Tàm ala\ ngai lồi nam,  tàm [òn dờng Buôn Ma Thuột, càr Daklak neh geh ala\ cau kong nhơn soh ào rmit bơhìan bơh gah ồs đèng hào đang ce, đang jrong ce đèng. Go\ niam ngan la mpồl cau geh lơh niam gùng  che đèng ‘’Hotline’’ mờ rơndeh mờng ngui,  geh lơh niam gùng ce đèng trung thế mờ ờ pal gơsơt đèng, tơmù ua\ ngan bơta gơbàn gơ koh gơl tàm broa\ ngui đèng bơh cau ngui.

            Lơh niam wơl gùng ce đèng đang jrong jơnhua tàm bơta trồ tiah tơngai duh, càl pràn, mơya ala\ cau lơh niam gùng ce ôs đèng gam lơh broa\ lơh niam khi dê, nàng drơng cau ngui đèng chờ wa\ rò  sơnam pa. Bi Đậu Thế Nhân kong nhơn Mpồl atbồ drơng broa\ gùng ce ồs đèng đah tô Buôn Ma Thuột, Kong ti ồs đèng Daklak đơs:

            Broa\ lơh bơh mpồl atbồ drơng broa\ gùng ce den  di tàm tu\ lồi nam, mpồl atbồ bol a` geh lơh niam wơl gùng ce ồs đèng nàng drơng broa\ ngui đèng tàm  dơ\ sa tềp làng bol in geh niam.

            Tu\ do,  Kong ti ồs đèng Daklak neh mờ gam mut lơh broa\ pờ geh đèng mờ jàu ala\ mpồl atbồ drơng broa\ mut lơh nàng  gàr niam ờ do ờ da\ ôs đèng,  sùm geh drơng cau nac tàm tu\  chờ Noel mờ sa tềp Tây nam 2018. Pơnjat hơ\,  tàm tơngai bơh ngai 24/12/2017 tus jơh ngai 1/1/2018 geh ờ gơsơt ềng drơng geh lơh niam wơl đèng trung, hạ áp tàm gùt càr.

            Lài hơ\,  Kong ti kung neh lam sồr ala\ mpồl mut lơh lòt sền ồs đèng mờ  geh bơsong mo di pal ala\ bơta gơbàn nisơna tềng gùng ce ồs đèng nàng kơryan gơbàn aniai. Bal mờ hơ\, nàng geh bơsong gơbàn nisơna, ala\ gah ồs đèng   lơh broa\ bal neh rcang tơl phan bơna,  phan rcang lài kung bè geh tơngguh tai broa\ lơh cau lơh broa\ mang ngai  tàm tơngai do. Ồng Tạ Minh, Phó kuang atbồ Kong ti ồs đèng Daklak ai git,  broa\ ngui đèng tàm  sa tềp bơhìan dà lơgar mờr tus kung bè nhai prang 2017-2018 geh  gàr niam tơl tus cau ngui đèng, bơh ngui tàm rài kis tus lơh sa, ka\ bro:

            Nàng  geh đèng tàm tu\ sa tềp bơhìan dà lơgar do den mo tơn tàm ala\ ngai lồi nhai 12, bol a` geh lơh ngan broa\ lơh niam jơh ala\ gùng ce ôs đèng. Tus tu\ do, jơh gùng ce ồs đèng neh lơh gơs rcang ngui tàm  tu\ sa tềp niam, pin dờ`. Bal mờ broa\ geh lơh niam ròt gùng ce ồs đèng, broa\ rơndap cau lơh niam drơng broa\  đèng  gơbàn tàm Kong ti kung bè  tàm ala\ ồs đèng kơnhòal den bol a` geh mut lơh dơle\ bal. Bol a` đơs tờm la broa\ pờ đèng geh gàr niam tus tơl cau ngui đèng, kờp bal cau ngui tàm  rài kis mờ broa\ lơh sa, ba` lời gơbàn gơsơt đèng tài bơh ờ tơl đèng.

                        Cau cih mờ yal tơnggit K’ Brọp