VOV4.K’ho - Tỉnh uỷ Dak Lak bơyai lơh tơn jơh 2 nam lơh jăt Chỉ thị sồ 05 bơh Bộ Chính trị bè “Chồl pràn broă bơsram mờ lơh jăt nùs nhơm, ơnà jăk, broă lơh Hồ Chí Minh” uă broă lơh niam bơceh pa, uă cau geh pơnrơ lam lài tàm broă bơsram sră mờ đờm jăt Bác Hồ.

Bàr nam lơh jăt Chỉ thị sồ 05, càr Dak lak neh geh uă cồng nha niam, uă broă lơh pa, broă lơh niam neh geh lơh uă bè: broă lơh “Tềm pềr đòm jăt jơnau bơto sồr Bác Hồ dê” tàm kơnhoàl Cư\ Mgar, Krông Bông, broă lơh “Ròng sur ù tài nùs nhơm niam tiah nhàr dà lơgar, tiah bồ dà lềng” bơh kuang bàng, cau geh đảng, cau ling tàm mpồl đơng lam ling klàng càr, broă lơh “Yang phe tềm pềr”, broă lơh “Ding priă tềm pềr” bơh mpồl tam klăc cau ùr, broă lơh “Gơl gùng atbồ is” bơh mpồl cau ling yau xã Ea Kpan, kơnhoàl Cư\ Mgar.

Bal mờ hơ\, geh uă cau geh pơnrơ jăk, uă kuang bàng, cau geh đảng lam lài tàm broă bơsram mờ đòm jăt Bác Hồ, geh làng bol pin dờn.

Cau mblàng Ndong Brawl