VOV4.K’ho - Di satềp Trung thu, Sở Lao động-Thương binh mờ Xã hội càr Dăk Lăk pơgồp bal mờ Tỉnh đoàn bal mờ UBND kơnhoàl Krông Bông bơyai lơh broă lơh satềp Trung thu ai kơnòm dềt in tàm xã Cư̆ Pui, kơnhoàl Krông Bông.

                                             Pà rơndeh coh ai ală kơnòm dềt mờ kơnòm pa tào in

Mờ tơngu me tam pà bal mờ kơnòm dềt, tus bal sơrlèt mờ kòp gơtờp, tàm broă lơh do, mpồl bơyai lơh neh jào pà 200 pò phan, 5 nơm rơndeh coh, 5 nơm kơƀàng bơsram sră, 35 khà priă bơsram (tơl khà geh 1 tơlăk đong) mờ 8 khà priă dong kờl priă bơsram tơn pràn gùng jòng tàm 1 nam mờ khà 300 rơbô đong tàm 1 nhai tơl khà priă ai ală kơnòm dềt pa tào geh tài rài kis kal ke tàm ală xã kơnhoàl Krông Bông in. Kờñ gàr niam ờ do ờ dă broă rơcang sơndră mờ kòp, den tàng mìng geh ờ uă kơnòm bơsram ala măt tus dờp phan mờ khà priă bơsram tàm broă lơh do, khà kơnòm gam tai geh xã jun tus tơn ală kơnòm in.

Cau mblàng Ndong Brawl