VOV4.K’ho- Là càr geh bơta pràn dờng bơtàu tơnguh đèng càl, tus tu\ do, tàm càr Dak Lak neh geh 6 rơndăp broă lơh bơtàu tơnguh đèng bơh càr geh lòt sền, lơh rơndăp broă lơh bơcri priă mờ lam lơh bal mờ kờp jơh pràn lơh gơlik là rlau 810 MW.

                                 Dak Lak: Kơ\p kơnờm bơtàu tơnguh đèng bơh càl

Tàm hơ, dùl rơndăp broă lơh mờ bơta pràn lơh gơlik mờr 30 MW geh ai lơh broă bơh lồi nhai 10 do. 6 rơndăp broă lơh đèng bơh càl geh lòt sền mờ lam lơh crăp gơ ơm tàm ù tiah ală kơnhoàl: Ea H'leo, Krông Búk, Krông Năng mờ thị xã Buôn Hồ.

Kờp jơh priă bơcri ai ală rơndăp broă lơh do in pơgăp 1 tơmàn 620 tơlak dolar Mỹ, ndrờm mờ mờr 37 rbô tơmàn. Bơnah priă do là bơh ală mpồl lơh sa kă bro tàm lơgar mờ lơgar ndai hòi jà bơcri priă.

Rơndăp broă lơh bơh sơnrờp geh pràn lơh gơlik mờr 29 MW geh lơh tàm xã Dliê Yang, kơnhoà Ea H’leo, bơh Công ty Cổ phần Giải pháp năng lượng gió HBRE ( geh anih lơh broă tàm [òn dờng Buôn Ma Thuột) bơcri priă lơh crăp neh lơh gơs, tu\ do gam lơh tơrlòng lài mờ tus nhai 1 nam 2019 geh tàm tơrbo\ mờ ală gùng che đèng dà lơgar dê.

Cau mblàng Lơ Mu K’Yến