VOV4.K’ho - Tu\ tus tàm kàl plai sầu riêng dum, làng bol tam tòm sầu riêng tàm càr Dak Lak kung bè cau tus blơi plai sùm ờ su\k ơm, ngòt tu\ go\ ală mpồl cau iơh gàr kơrian cau blơi mờ cau tòm suơn pal ai priă “Gàr kơrian”. Mơya, mờ broă tus bal pràn kơl dang bơh kuang àng càr Dak Lak, uă mpồl cau “gàr kơrian” do neh geh kơrian mờ ku\p.

Pa do, tàm kơnhoàl Krông Búk, càr Dak Lak, 1 mpồl cau geh Phạm Văn Lương, 31 sơnam, kis tàm xã Cư\ Né, kơnhoàl Krông Búk, càr Dak Lak lam bồ neh bơyai lơh “Gàr kơrian” mờ tơl^k khà 2 tơlăk priă ai 1 tấn plai sầu riêng di laj cau tus blơi tàm ală suơn sầu riêng tàm kơnhoàl do. Tơnơ\ mờ tu\ cri bơyai, mpồl cau do neh ai cau tus sền ală cau kă bro tus lùp kờ` blơi plai sầu riêng tàm kơnhoàl kờ` sồr ală cau do pal tă priă gàr.

Bi Nguyễn Văn Tâm, 23 sơnam, kis tàm xã Tân Lập, kơnhoàl Krông Búk là cau tus blơi plai sầu riêng tàm tiah do pà g^t, kờ` geh tơl plai tăc mờ cau ndai, bi neh tus uă cau tòm suơn tàm kơnhoàl kờ` blơi. Mơya, tu\ rơ\p tus lùp kờ` blơi plai sầu riêng làng bol tam, bi neh gơbàn 1 mpồl cau ờ g^t măt kơrian gùng, pơhìn mờ sồr pal tă priă ai mpồl cau do in tơl tấn plai sầu riêng 2 tơlăk priă. Di lah ờ den mpồl cau do kơrian ờ ai blơi mờ geh tu\ lơh cau. Ờ su\k ơm ir tềng đăp mờ broă rồn bơklơn bơh mpồl cau do, bi Tâm neh tus anih lơh broă kuang àng kờ` yal:

-Tu\ a` tus blơi plai sầu riêng den geh 3 nă cau tàm mpồl Lương kơrian gùng, tài ngòt ir den tàng a` đơs là tus tàm do geh broă. Tu\ rê wơl den gơbàn mpồl cau bơh Lương kơrian tai mờ hòi a` tus boh bơr. Lương đơs mờ a` kờ` blơi plai sầu riêng tàm do den pal tìp mờ klao do. Dùl tấn plai sầu riêng pal ai Lương in 2 tơlăk priă, 10 tấn plai sầu riêng pal ai 20 tơlăk priă, a` kung khoai dan mờ Lương tơmù khà priă mơya Lương kờ` bài.

Thiếu tá Nguyễn Đức Tin, Phó kuang atbồ kuang àng kơnhoàl Krông Búk pà g^t, dờp jơnau yal bơh làng bol, kuang àng neh ai rơndăp broă lơh, bơyai kroă, lùp khào ală cau geh nùs nhơm kờ` gàr, rồn bơklơn cau tus blơi mờ làng bol:

-Ală mpồl cau do neh pơgồp bal mờ ờ uă cau neh geh dơ\ lòt jàm tàm ală kơnhoàl Ea H’ Leo, Krông Búk, thị xã Buôn Hồ, Lăk mờ Cư\ Mgar lơh gơs 1 mpồl geh g^t nđờ 1 nă, geh tơngo\ rồn bơklơn cau tus blơi plai sầu riêng tàm kơnhoàl. Ală cau do sồr cau tus blơi plai sầu riêng pal tă 2 tơlăk priă tàm 1 tấn plai sầu riêng tu\ blơi bơh làng bol tàm kơnhoàl.

Tơnơ\ mờ 1 tơngai sền gròi, kuang àng kơnhoàl Krông Búk neh ku\p klao Phạm Văn Lương tu\ gam dờp priă gàr kơrian blơi plai sầu riêng bơh cau tus blơi. Jăt pang sră lơh glài, Phạm Văn Lương neh geh dơ\ jàm 5 nam nggùl bè tìs kơ`ao phan.

Tàm anih lơh broă kuang àng, Lương neh dờp tìs mờ dờp broă rồn bơklơn priă bơh cau tus blơi plai sầu riêng. Lương yal, tu\ g^t bi Tâm tus ờ uă suơn tàm kơnhoàl Krông Búk bal mờ ờ uă kơnhoàl rềp bal kờ` blơi plai sầu riêng. Lương bal mờ ală cau tàm mpồl neh jòi kờ` tìp bi Tâm sồr tă tàm 1 tấn plai sầu riêng blơi bơh làng bol den pal ai mpồl cau Lương in 2 tơlăk priă, di lah ờ den gơbàn lơh:

-A` g^t bi Tâm tus tàm tiah blơi plai sầu riêng. A` neh kơrian rơndeh bi Tâm mờ lùp priă tàm drà kă bro. Tàm tu\ boh bơr den bi Tâm đơs tu\ do bi Tâm kờ` blơi ờ uă suơn tam sầu riêng Donal rềp tềng do. A` pơrgon bi Tâm tềng hìu tăc dà hùc tam toh mờ hìu a`. bi Tâm tă 2 tơlăk priă, a` cèng mờ ơn tàm să den gơbàn mpồl kuang àng tus mờ ku\p.

Tu\ do, kuang àng kơnhoàl Krông Búk gam lơh ngan lùp khào kờ` g^t loh ală cau gơrềng bal tàm mpồl gàr kơrian plai sầu riêng bơh Phạm Văn Lương. Mờ jào sră nggal tus Viện kiểm sát nhân dân bal mờ cấp kờ` yă cau tìs mờ lơh jăt kơrnoăt ku\p jàm ing 3 nhai gơwèt mờ Phạm Văn Lương bè tìs: rồn bơklơn ku\p phan bơna.

Lài mờ hơ\, ngai 3 nhai 8, kuang àng kơnhoàl Cư\ Mgar, càr Dak Lak neh ku\p 1 mpồl klao pơnu geh nùs nhơm kờ` rồn bơklơn “Tă priă” bơh cau lòt blơi plai sầu riêng tàm xã Ea Tar mờ xã Ea Kuêh. Tơngu me bơh mpồl do dê là rồn bơkơn làng bol bal mờ cau tus blơi pal tăc plai sầu riêng mờ khà priă ờ kas ai 1 hìu blơi plai sầu riêng tàm do in.  5 nă cau do geh: Lý Ngọc Giào, Trần Thanh Hùng, Triệu Quý Năm, Y Vap Niê mờ Y Jêt Kđơh, jơh ală cau do ndrờm kis tàm xã Ea Tar, kơnhoàl Cư\ Mgar, càr Dak Lak, tu\ do gam gơbàn jàm ing kờ` lùp khào, lơh loh broă rồn bơkơn phan bơna làng bol.

Broă gàr, rồn bơklơm broă kă bro phan geh lơh bơh broă lơh sa suơn sre gơbàn kal ke tàm càr Dak Lak ală nam do. Broă mpồl kuang àng càr Dak Lak ku\p, lơh glài ală cau kơrian gàr phan geh lơh bơh broă lơh sa suơn sre ờ mìng dong kờl làng bol, cau tus blơi iang nùs rơlao tàm kàl tơnhào plai sầu riêng, mờ gam pơgồp bal tàm bơta sền gàr bơta niam ờ do ờ dă tàm càr Dak Lak dê.

Cau mblàng Ndong Brawl