VOV4.K’ho - Ngai òr (24/03), Ban Thường vụ Tỉnh ủy Dak Lak bơyai lơh pơrjum bơsram, kơlôi sơnơng, lơh jăt Nghị quyết pơrjum dờng cau ala măt Đảng bộ càr dơ̆ 17 tơngai lơh broă bơh nam 2020 tus 2025.

 Ban Thường vụ Tỉnh ủy Dak Lak bơyai lơh pơrjum lam lơh jăt Nghị quyết pơrjum dờng cau ala măt Đảng bộ càr dơ̆ 17

Tàm pơrjum, kuang bàng đơng lam, atbồ càr mờ kuang bàng tờm ală tiah tơrgùm bơsram, kơlôi sơnơng, lơh jăt 5 tơngu me tờm, tàm hơ̆ geh: Ală tơngu me tờm bơh jơnau yal chính trị mờ Nghị quyết pơrjum dờng cau ala măt Đảng bộ càr dơ̆ 17, tơngai lơh broă bơh nam 2020 tus 2025; tơnguh uă bơta pràn đơng lam mờ bơta pràn tam dră bơh Đảng bộ pràn kơl dang bè chính trị, bồ tơngoh kơlôi sơnơng, broă bơyai lơh mờ nùs nhơm; bơ̆t bờtau broă lơh chính trị, tơnguh broă lơh tờm tam klăc bal ală jơi bơtiàn kòn cau; tơnguh bơta geh, bơta kuơ nàng tơnguh bơtàu lơh sa mpồl bơtiàn mhar, kơl jăp; gàr niam mờ kơl jăp bơta lơngăp lơngai dà lơgar, pờ ơnàng mờ tơnguh bơtàu broă lơh bal mờ tiah ndai.

Đơs tàm pơrjum, Phó Bí thư Thường trực Tỉnh ủy Dak Lak ồng Phạm Minh Tấn đơs tờm: Pơrjum là dơ̆ cri bơyai chính trị geh kuơ màng ngan, nàng lơh geh cồng nha Nghị quyết pơrjum dờng Đảng bộ càr dơ̆ 17, tơngai lơh broă bơh nam 2020 tus 2025.

Cau mblàng Ndong Brawl