VOV4.K’ho - Dờp bal gùng dà broă lơh bơh Chính phủ bè broă ngui năng lượng kloh, bơh bồ nam do, Công ty Điện lực Dak Lak neh crăp pil ồs đèng măt tơngai tềng hìu lơh broă mờ bơta pràn 65kWp.

Ồng Lê Hoài Nhơn, Phó kuang atbồ công ty pà g^t, bơh 5 nhai tơlòng lơh, Tổng công ty Điện lực Miền trung neh sền gròi, yal bè cồng nha bơh broă lơh do niam ngan, pal geh lơh uă, crăp tềng hìu lơh broă bơh 14 Điện lực mờ Xí nghiệp Điện cơ gơwèt bal. Mờ lam sồr ală mpồl lơh broă, anih lơh sa kă bro tàm càr do ngui pil ồs đèng măt tơngai:

-Lơh jăt tơngai sơnrờp, broă lơh ồs đèng măt tơngai crăp hờ đang rơkàng hìu lơh broă bơh Công ty dê. Tơngai dơ\ 2, Tổng công ty gam crăp tềng hìu lơh broă bơh ală Điện lực gơwèt Công ty Điện lực Dak Lak dê.

Tu\ do, tàm càr Dak Lak geh 6 mpồl lơh broă, cau 1 nă să is neh lơh broă do. Tu\ cau crăp gơs den bol a` tus bal sền kờ` g^t bơta niam kờ` ai broă lơh do mu\t lơh broă, tơrbo\ bal tàm gùng che ồs đèng gah lơh ồs đèng dê, kung bè crăp công tơ was 2 đah kờ` lơh tơngu me tơm priă tơnơ\ do.

Bal mờ Công ty Điện lực Dak Lak, tàm [òn dờng Buôn Ma Thuột gam geh 5 mpồl lơh broă, hìu làng bol crăp pil ồs đèng măt tơngai mờ gam pờ ơnàng broă lơh do.

Tàm hơ\, Công ty Cổ phần sră phan hìu bơsram Dak Lak tơnơ\ mờ tu\ ai ngui pil ồs đèng măt tơngai mờ bơta pràn 86 kWp, ờ mìng geh tơl ồs đèng ai hìu tăc Sră Tây Nguyên lơh broă mờ gam jơnkah kờ` tơmu\t bal tàm gùng che ồs đèng dà lơgar. Bơh cồng nha lài ngan do, tơngai tus công ty geh pơn jăt tai bơcri priă crăp pil ồs đèng măt tơngai tàm 3 hìu tăc sră ndai.

Cau mblàng Ndong Brawl