VOV4.K’ho- Tơnơ\ mìu càl rbu\t dờng sồ 12, mờr 120 nơm hìu tàm ală kơnhoàl tiah đah mat tơngai lik mờ đah jum mat tơngai lik càr Daklak dê gơtìp tơrlah tơr lơm mờ ờdiơng jơh.

                 Ală mpồl ling lơh hìu làng bol in tơnơ\ dơ\ mìu càl rbu\t dờng sồ 12 lơh aniai

Tơnơ\ dơ\ mìu càl rbu\t dờng sồ 12 tơn, mpồl ling klàng Daklak neh ai mờr 300 nă kuang bàng, cau ling pơgồp bal mờ ală mpồl cau tàm tiah do rơcang lài lơh niam wơl rlau 650 nơm hìu gơtìp tơrlah tơr lơm mờ gơpồ rơkàng; lơh niam wơl jơnau aniai lơh chơ\t đèng, lơh niam wơl gùng lòt tàm ală [òn, ntrờn làng bol tus tiah ơm pleh ờdo ờdă…

Tus tơngai do, jơh ală hìu bơnhă neh bơyai lơh tă pơgồp geh 280 tơlak priă lơh pa 4 nơm hìu ơm pà ală hìu bơnhă chính sách tàm 2 kơnhoàl: Krông Bông mờ M’drak in. Bal mờ hơ\, dong kờl làng bol bè hìu ơm, lơh niam wơl phan bơna, ală anih lơh broă, ală gơnoar atbồ ală kơnă tàm Daklak neh dong gi\t nđờ jơ\t tấn phan sa mờ gi\t nđờ rhiang tơlak priă.

 Ală mpồl lơh sa kă bro tàm Daklak kung gam geh broă rơndăp lơh dong jơh ală bơta, nàng làng bol kis tàm tiah mìu càl rbu\t dờng dà ko\ dà cò lơh aniai tàm càr Daklak in sơrlèt gan kal ke, chờ hờp wa\ rò nam pa.

Cau cih mờ yal tơngit- Lơ Mu K’Yến