VOV4.K’ho - Bal mờ broă tơnguh uă khà ồs đèng kă bro, tơmù ờ uă ngan hoàc huơr ồs đèng, nam do, Công ty Điện lực Dak Lak lơh ngan tềm pềr geh di pơgăp 37 tơlăk 500 rơbô kWh ồs đèng.

                                              Công ty Điện lực Dak Lak lam sồr tềm pềr ồs đèng tàm hìu bơsram

Mùl màl, lơh jăt khà ồs đèng tăc rơlao 1 tơmàn 500 rơbô kWh ồs đèng, khà hoàc huơr ồs đèng gam 5,7% mờ tềm pềr di pơgăp 2,5% khà ồs đèng geh, ndrờm mờ 37 tơlăk 500 rơbô kWh ồs đèng. Kờ` geh khà do, công ty neh mờ gam lơh jăt uă broă lơh tàm broă bơyai lơh, atbồ broă lơh mờ kă bro.

Ală mpồl atbồ lơh broă sền gròi jăt tơngai gùng che ồs đèng mờ anih biến áp kờ` kơrian, lơh niam wơl di tu\ ală broă gơbàn, ngui công nghệ pa tàm broă lơh mờ kă bro, chồl mhar ală rơndăp broă lơh niam wơl gùng che ồs đèng.

                      Công ty Điện lực Dak Lak jào khà pơn jờng ai ală kơnòm bơsram geh khà jăk tàm broă tềm pềr ồs đèng

Bè khà tềm pềr ồs đèng, jăt ồng Triệu Hồ Đức, Phó kuang atbồ phòng Kinh doanh, Công ty Điện lực Dak Lak yal, broă lam sồr là 1 tàm ală broă lơh geh cồng nha:

-Pah nam den Công ty Điện lực Dak Lak lơh uă rơndăp broă lam sồr tềm pềr ồs đèng bơh bồ nam. Tàm hơ\, geh lam sồr mờ rơndeh lòt tàm ală [òn tàm càr, tus bal broă lơh “Jơ plai ù”. Bal mờ hơ\ là lơh jăt broă lơh tềm pềr ồs đèng tàm ală hìu bơsram kờ` yal ală broă lơh, ală broă ngui ồs đèng geh cồng nha, cèng wơl bơta kuơ cau ngui ồs đèng in.

Cau cih mờ yal tơng^t Ndong Brawl