VOV4.K’ho – Bu\lah gam uă kal ke tài bă tiah dờng ơnàng, ù tiah kơh bơ nơm kal ke, khà kờp làng bol gơguh mhar, ngan là làng bol ntrờn ơm kis bơdĩh mờ rơndap broă bơh ală càr ndai tus ơm kis tàm tiah sar lơgar ngài uă, mơya mờ uă priă bơcri krơi is, Daklak gam lơh ngan lơh gùng che đèng dà lơgar tus ală xã, [òn nàng drơng jơnau kờ` ngui tàm rài kis mờ broă lơh sa làng bol in. Dùl tàm ală tiah làng bol ơm kis kal ke pa geh lơh gùng che đèng dà lơgar là tiah làng bol ơm kis Ea Kiêu, gơwèt [òn Ea Boa, xã Ea Trang, kơnhoàl M’Drak:

Tơnơ\ rlau 2 jiơ đì rơndeh dờng bơh [òn dờng Buôn Ma Thuột jat gùng rơndeh 26 tus tềng jơng kùel Phượng Hoàng, gơwèt xã Ea Trang, kơnhoàl M’Drak, sơr lèt gan git nđờ jơt nơm bơnơm, bol a` tus tiah làng bol ơm kis Ea Kiêu, bơh [òn Ea Boa dê.

Tiah làng bol ơm kis do geh 47 hìu bơnhă làng bol, bal mờ 200 nă cau, uă ngan là làng bol kòn cau Mông bơh ală càr đah tô ntrờn mut ơm kis bơh nam 2004. Tài kis tàm brê, ờ geh đèng, dà ngui sa uă ngan là ai bơh dà croh den tàng rài kis sùm klam jơngo, bòl glar kal ke, bồ tơngoh git wă gam lơyah, hìu bơnhă lơi kung deh uă kòn, lơh suơn lơh mìr gơwèt tàm trồ tiah, den tàng rài kis làng bol dê kal ke ngan, 90% ală hìu bơnhă làng bol tàm do là hìu bơnhă r[ah.

Lồi nhai 4 pa do, Kong ti ồs đèng Daklak neh lơh gùng che đèng ai tiah làng bol ơm kis do in. Ồng Chú Dĩ Mìn, phó kuang atbồ [òn Ea Boa, xã Ea Trang đơs tờm, do là tềl kuơ màng, pơgồp bơnah dong sơlơ bơtàu tơnguh lơh sa, tơnguh rài kis tơl bơta làng bol in: “Lài do, làng bol bol a` ndrờm ngui dà mbòr hòr bơh đang bồ tô lơm. Tus tu\ do, Đảng, Dà lơgar dong kờl geh ồs đèng tus tàm [òn, den làng bol bol a` chờ hờp ngan. Neh geh ồs đèng den a` pal sồr làng bol pal tở dùl nơm tơrlung dà, pal blơi mai\ [ồm nàng [ồm dà ngui sa, gàr niam rài kis mờ pràn kơldang să jan kòn sau in.”

15 nam kis tàm tiah kơh bơnơm ngài do, phan ngui ờ gơtùi ờ geh tàm hìu bơnhă bi Kháng Seo Sử dê là 2 nơm đèng zờu mờ 1 nơm đèng pil.

Trồ ngai den geh àng mattơngai sòl, trồ mang den àng ờ loh mờ đèng zờu. Bi Sử pà git, tu\ lơi geh tu\ lòt tus tiah tờm xã dê, bi blơi zờu, blơi pil nàng prap rơcang lài. Tu\ do, geh ngui gùng che đèng dà lơgar bi ờ gam bòl glar pơndiang zờu tai. Bơh tu\ do geh đèng bloh, bi geh tềm pềr priă blơi 1 nơm tivi nàng sền, git jơnau yal tơnggit mờ bơsram mờng chài ròng phan, tam phan cèng wơl cồng nha lơh sa, tơnguh niam rài kis hìu bơnhă in: “Lài do tu\ trồ mang dilah kờ` àng tàm hìu den pal geh đèng pil nàng sòl, tu\ do geh đèng àng tàm hìu go\ gơ lơh chờ hờp ngan. Tu\ lơi geh priă blơi tivi nàng sền jơnau yal tơnggit, git mờng chài lơh sa mờ blơi mai\ [ồm dà, [ồm dà bơh tơrlung nàng ngui sa gơ in sàng kloh.”

Jat ồng Y Toan Byă, Phó chủ tịch UBND xã Ea Trang, kơnhoàl M’Drak, bơh sơn rờp làng bol ntrờn mut ơm kis tàm do, tài gơlik geh bơta koh kơl aniai brê lơh mìr, den tàng gơnoar atbồ xã lam sồr mờ dong kờl làng bol ntrờn rê hờ tiah rềp tiah tàm tờm xã dê. Mơya tài tiah tờm xã ờ tơl ù lơh sa, den tàng làng bol rê wơl tiah ơm yau.

Kờ` gàr niam rài kis làng bol in, gơnoar atbồ xã neh dan mờ kơnă hơđang bơcri lơh gùng che đèng dà lơgar nàng drơng rài kis mờ broă lơh sa. Nam 2017, broă lơh gùng che đèng ai 47 hìu bơnhă làng bol kòn cau tàm tiah làng bol ơm kis Ea Kiêu, gơ wèt [òn Ea Boa, xã Ea Trang geh lơh. Tơnơ\ mờr 1 nam lơh ngan lơh broă, gùng che trung áp jòng 3,4 kơi sồ, gùng che hạ áp gùng 1 kơi sồ mờ gùl mờ 1 trạm biến áp 100 kVA neh lơh gơs mờ geh ai ngui. Pơ gồp bơnah kuơ màng tàm broă chồl pràn bơtàu tơnguh lơh sa mpồl bơtiàn, sền gàr ngap lơngai, sền gàr dà lơgar bơh tiah do dê: “Geh bơta sền gròi bơh Đảng, Dà lơgar, Chính phủ, càr tus kơnhoàl, tu\ do geh chính sách bơcri lơh đèng làng bol in, den bol a` chờ hờp ngan, làng bol geh đèng sòl àng drơng rài kis mờ [ồm dà chi tam in. Bal mờ hơ\, Đảng ủy, HĐND, UBND lơh geh tai 1 broă lơh bè đèng tàm broă bơt bơtàu [òn lơgar pa. Tus tu\ do, xã neh lơh geh 6 broă lơh bè bơt bơtàu [òn lơgar pa.”

                                                                       Cau mblàng K’Duẩn