VOV4.K’ho – Tu\ do, Kong ti TNHH MTV ai dà mờ bơcri priă bơt bơtàu Daklak gam jal mhar lơh hìu mai\ ai dà [òn dờng Buôn Ma Thuột mờ tiah rềp bal in. Mơya, tài rlau 10 hìu bơnhă làng bol ờ bài jàu ù nàng lơh gùng brong lam dà, neh lơh aniai tus tơngai mut lơh broă lơh:

Rơndap broă lơh ai dà [òn dờng Buôn Ma Thuột mờ tiah rềp bal gơwèt 3 kơnhoàl Ea Kar, Krông Năng mờ Buôn Đôn bơh càr Dak Lak dê geh priă bơcri lơh là 30 tơlak 800 rbô đôlar Mỹ (ndrờm mờ 685 tơmàn priă).

                                       Tiah lơph sơtèk dà, sơtèk jồr dà gam mhar lơh gơs

Priă bơcri do uă ngan geh càn bơh Ngân hàng bơtàu tơnguh châu Á (ADB) mờ dùl bơnah geh ai bơh kes priă càr dê. Hìu mai\ geh bơta pràn bơceh lơh 35 rbô khối dà tàm 1 ngai 1 mang, tàm hơ\ geh gùng brong lam dà bơh dà dờng Srêpôk mờ hìu mai\ lơh tàm xã Ea Na, kơnhoàl Krông Ana, geh sơn đờm lơh bơh nhai 11 nam 2017, digơlan lơh gơs mờ ai ngui bơh lồi nam do.

Mơya, bơnah broă lơh gùng brong lam dà rê hờ hìu mai\ tàm xã Ea Na, kơnhoàl Krông Ana gam gơtìp ơm ing. Jơnau bơh bơta do dê là tài 11 hìu bơnhă làng bol tàm 2 [òn Tân Thắng mờ Tân Lập, xã Ea Na ờ bài jàu ù. Ồng Huỳnh Văn Thành, ơm tàm [òn Tân Thắng đơs là, broă lơh gùng brong digơlan lơh aniai tus hìu đam mờ suơn, den tàng kờ` rơndap broă geh broă tơm priă dipal:

“Dilah lơh den cau lơi pơrgon geh kong kơnòl dilah tơnơ\ do ù gơtìp gơmù, hìu gơtìp dàng, bơnàng hìu bơtìp bơcah… bol a` dê. Dilah geh bơta tơm wơl dipal den lơh te\, mơya jat a` den bu\lah tơm wơl kung ờ gơtùi lơh bè lài bol a` in.”

Ồng Trần Văn Thiện, Kuang atbồ Kong ti TNHH MTV ai dà mờ bơcri priă bơt bơtàu Dak Lak pà git, broă lơh hìu mai\ jồr dà geh lơh tàm bă ù 1 lồ 4 sàu.

                                 Tàm tu\ ding dà neh pơn diang tus hìu gam gơbàn ờ geh lơh

Ală sơntèk dơng dà, sơntèk jồr dà bal mờ 2 nơm hìu đơng pơlam ơnàng rlau 500 thơk vuông gam jal mhar geh lơh gơs. Mìng is bơnah broă lơh gùng brong lam dà tàm xã Ea Na, kơnhoàl Krông Ana gam gơtìp ơm ing tài ală hìu bơnhă làng bol ờ bài jàu ù. Bơta do lơh aniai uă ngan tus tơngai mut lơh rơndap broă, digơlan Ngân hàng bơtàu tơnguh châu Á (ADB) geh ờ ai càn priă tai, mờ tam gơl lơh rơndap broă ndai:

“Khi sồr 1 thơk lòt gan hìu khi dê pal tơm bơh 500 rbô tus 1 tơlak tàm 1 thơk, geh tu\ geh ală hìu bơnhă sồr tơm priă ai ù tus 30 tơlak, tàm tu\ đơs ngan, do là ù jat kềng gah gùng lòt. Dilah bơta do jo\ jòng, ờ mìng ờ gơtùi lơh rơndap broă, ờ tă priă càn den Ngân hàng digơlan ờ ai càn priă tai, tam gơl ai broă lơh ndai in, den mìng gơtìp hoàc huơr làng bol, kong ti in mờ roh bơngă pin dờn bơh UBND càr dê.”

Mò H’Duyên Ksơr, Chủ tịch UBND xã Ea Na, kơnhoàl Krông Ana pà git, lài mờ tu\ lam lơh rơndap broă, ala mat kong ti TNHH MTV ai dà mờ bơcri priă bơt bơtàu Dak Lak, UBND xã mờ gah lơh broă geh gơnoar tàm xã neh bơyai lơh pơrjum làng bol, yal jơnau tơnggit gơ rềng tus broă mut lơh rơndap broă.

                              Ờ uă hìu làng bol tàm xã Ea Na dan tơm ntrờn ù tiah uă, ờ di mờ kơrnoăt geh ai

Tàm hơ\, đơs loh bơnah broă lơh gùng brong lam dà jòng 6,7 kơi sồ lòt gan ờ uă [òn tàm xã. Broă lơh gùng brong lam dà ờ duh pal tơm priă ai ù, mờ mìng dong kờl dùl êt priă lơh wơl bè lài tu\ gùng brong lam dà geh crap. Jơh ală làng bol tàm tiah lơh rơndap broă neh ring bal. Broă ờ uă hìu bơnhă làng bol tàm [òn Tân Thắng mờ Tân Lập ờ bài jàu ù là bơta ờ kờp tus. Mò H’Duyên Ksơr đơs tờm, nàng rơndap broă geh lơh di mờ tơngai neh pơrgon, gơnoar atbồ mờ gah lơh broă geh gơnoar xã geh pơn jat tai mblàng yal, lam sồr, nàng ală hìu bơnhă do jàu ù:

“Bol a` neh pơgồp bal mờ lam sồr geh 3 hìu bơnhă, jơh 3 hìu bơnhă do neh ring bal jàu ù mờ kong ti gam lơh broă. Pơn jat hơ\, bol a` geh lam sồr ală hìu bơnhă gam wơl nàng khi jàu ù, dong mpồl bơcri priă geh ù nàng lơh.”

Bơh uă nam do, pah tu\ tus nhai prang duh, [òn dờng Buôn Ma Thuột pal kong mờ bơta ờ tơl dà ngui sa uă ngan. Broă bơcri lơh tai hìu mai\ ai dà sàng kloh [òn dờng Buôn Ma Thuột mờ tiah rềp bal in là gùng dà broă lơh bơh UBND càr Daklak dê. Ờ go\ di tài bơh ờ uă hìu bơnhă làng bol tàm xã Ea Na, kơn hoàl Krông Ana ờ hềt ring bal, ờ jàu ù mờ lơh aniai tus tơngai lơh broă, lơh aniai tus jơnau kờ` ngui dà sang cèng bơta jal mhar mờ jo\ jòng bơh jơh dùl bă tiah dờng ơnàng dê.

                                                                                  Cau mblàng K’Duẩn