VOV4.K’ho - Mìu càr dờng sồ 12 nhai 11 nam 2017 lài do lòt gan neh mờr 4 nhai, broă tơmù hoàc huơr ală kơnhoàl tàm càr Dak Lak neh lơh gơs. Mơya, hìu bơsram mầm nòn Hoa Cúc Trắng, tàm [òn Giang Thanh, xã Ea Đah, kơnhoàl Krông Năng mìng gơpồ rơkàng mờ lơh pă `jrong jăt gah rang đa hìu tus tu\ do kung ờ hềt geh lơh wơl. Bơta do lơh ờ niam uă ngan tus mờ broă bơto mờ bơsram, lơh ờ su\k tus mờ cau mè, bèp kơnòm bơsram.

Tơnơ\ mờ mìu càl dờng sồ 12 nhai 11 nam lài neh mờr 4 nhai, hìu bơsram mầm nòn Hoa Cúc Trắng, tàm [òn Giang Thanh, xã Ea Đah, kơnhoàl Krông Năng gam gơlời rơkàng gời sơl, sèng `jrong jăt gah rang đa hìu neh gơbàn gơpừ. Rơkàng sơlo gơbàn càl pồt neh geh tơrgùm tềng đăp hìu bơsram.

Pơgru Thái Thị Hương, bơto tàm hìu bơsram mầm nòn Hoa Cúc Trắng pà g^t, bơh tu\ mìu càl dờng lơh gơbàn gơpồ rơàng hìu bơsram tus tu\ do, ală cau pơgru bal mờ kơnòm bơsram pal tus bơsram kơnờm ing tàm hìu pơrjum [òn. Broă bơsram mờ ơm tàm do kal ke ngan tài hìu pơrjum geh lơh mờ mpàn kung neh ờ kơl jăp tai sơl:

-Kờ` bơto ală sao tàm do, bol a` pal bơto ing tàm hìu pơrjum [òn Giang Thanh, ală bơta tàm do den kal ke ngan tus mờ broă bơsram, kàl mrềr càl khồm mrềt ngan, ală sao b^c ờ gơtùi, kàl prang den duh, den tàng ală sao kung ờ gơtùi bơsram sơl. Bol a` kơ\p kờ` ală gah, mpồl lơh broă gờ` lơh niam wơl nàng pơrgu bal mờ kơnòm bơsram bol a` bơto mờ bơsram niam.

Rài kis làng bol tàm [òn Giang Thanh, xã Ea Đah gam kal ke ngan. Tu\ do [òn geh 123 hìu mờ di pơgăp 500 nă làng bol, mìng là làng bol kòn cau bơh tiah đah tô dà lơgar tus ơm kis. {òn ngài mờ anih tòm xã di pơgăp 12 kơi sồ mìng là gùng ù, broă lòt rê làng bol dê gơbàn kal ke ngan.

Ồng Lò Văn Dũng, Phó kuang atbồ [òn Giang Thanh pà g^t, go\ làng bol kal ke, nhai 5 nam 2017, ala măt Đoàn viên ơruh pơnu Kuang àng càr Dak Lak neh lam sồr ală cau geh nùs nhơm niam bơh [òn dờng Hồ Chí Minh dong kờl 120 tơlăk priă kờ` lơh pa hìu bơsram. Mơya tàm bồ nhai 11 nam 2017 lài do, mìu càl dờng sồ 12 neh pồt jơh rơkàng, lơh tơrlah jơh `jong jăt gah rang đa, gam ờ hềt geh lơh niam wơl.

-Mìu càl dờng sồ 12 nam lài neh lơh tơrlah jơh hìu bơsram mờ tus tu\ do gam ờ hềt geh lơh nia wơl, a` ờ g^t tài bè lơi sơl? Là kuang bàng tàm [òn, a` kơ\p kờ` ală gah, mpồl lơh broă tus lơh niam wơl hìu bơsram kờ` ală sao in geh hìu bơsram niam nàng bơsram.

Ồng Nguyễn Văn Bảy, kuang atbồ phòng Giáo dục mờ Đào tạo kơnhoàl Krông Năng pà g^t, tơnơ\ mờ tu\ mìu càl dờng lơh gơbàn, kuang bàng đơng lam phòng lơh broă do neh tus sền, dong kờl phan lơh broă, ai anih bơsram ing kờ` broă bơto mờ bơsram ờ gơbàn kal ke.

Mờ kờp hoàc huơr, dan mờ UBND kơnhoàl Krông Năng geh gùng dà broă lơh niam wơl:

-Tu\ mìu càl dơng jơh, bol a` neh sồr gơnoar atbồ hìu bơsram jòi anih nàng bơto ing, ba` lời ală kơnòm bơsram sơbì bơsram tơnơ\ mờ mìu càl dờng. UBND kơnhoàl neh jào Phòng Nông nghiệp mờ Phát triển Nông thôn là anih lơh broă sơndră tòm mờ mìu càl dờng kơnhoàl dê bơyai lơh sền gròi mờ ai geh ală gùng dà broă lơh gờ` tơmù hoàc huơr. Mơya, tài ală anih lơh broă atbồ dà lơgar kơlôi là neh geh hìu bơsram ing den loh lơy ài kung di sơl.

Ồng Trương Hoài Anh, Chủ tịch UBND kơnhoàl Krông Năng dờp, broă lơyài tàm broă lơh niam wơl hìu bơsram Hoa Cúc Trắng tàm [òn Giang Thanh, xã Ea Đah là tài kơnhoàl ờ sền gròi. Tàm nhai 3 do, UBND kơnhoàl geh lơh rơndăp broă k^ mờ tă 260 tơlăk priă kờ` lơh niam wơl jơh hìu bơsram do.

Mìu càl dờng gơbàn tàm lồi nam lài, kơnhoàl Krôgn Nnăg, càr Dak Lak ờ di là tiah gơbàn hoàc huơr uă, mơya 1 hìu bơsram mầm non mìng gơpồ rơkàng mờ tă `jong jăt gah rang đa kung gam ờ hềt geh lơh niam wơl sơl. Tu\ do neh là nggùl nhai 3, UBND kơnhoàl hơ\ sồng lơh rơndăp broă lơh niam wơl, tus tàm tu\ lơh gơs di gơlan ală sao neh rơlô bơkang tơn.

Cau cih mờ yal tơng^t Ndong Brawl