VOV4.K’ho - Mpồl kuang bàng Quốc hội càr Dak Lak pa bơyai lơh sền gròi broă lơh jăt adăt boh lam bè atbồ mờ ngui priă càn bơh lơgar bơdìh tàm Sở Nông nghiệp mờ Phát triển Nông thôn càr do.

Tơngai pa do, gah lơh sa suơn sre geh tam pà 1 rơbô 725 tơmàn priă bơh priă càn lơgar bơdìh kờ` lơh jăt 6 rơndăp broă. Tus tu\ do geh 2 rơndăp broă neh tơn jơh, tàm hơ\ geh: Rơndăp broă tam pơlòng lơh sa suơn sre (ACP) mờ rơndăp broă tơnguh bơtàu broă tam brê kờ` tơnguh rài kis tàm Tây Nguyên (FLITCH); 4 rơndăp broă gam tai gam geh lơh là: Rơndăp broă tơnguh bơtàu broă lơh drơng lơh sa ai ală càr Tây Nguyên in, rơndăp broă tam gơl lơh sa suơn sre kơl jăp, rơndăp broă lơh niam wơl mờ tơnguh kơl jăp bơtơ\t mờ broă pờ ơnàng broă lơh kloh niam mờ dà sàng kloh [òn lơgar.

Bơh broă sền gròi pà go\, ală rơndăp broă geh lơh di mờ khà broă geh ai, di mờ tơngai, lơh jăt ală kơrnoăt tàm adăt boh lam lơgar Việt Nam dê mờ ală kơrnoăt bơh ală anih lơh sa kă bro dong kờl.

Bàr rơndăp broă tơn jơh neh dong kờl tàm jào 16 broă lơh công nghệ lơh sa suơn sre, bơto mờr 10 rơbô nă cau lơh sa kờ` tam jào công nghệ pa; dong kờl lơh gơs 13 mpồl tam klăc bal lơh sa bơh mpồl lơh sa bal mờ anih lơh sa kă bro; bơ\t bơtàu mờ tơnguh niam 20 broă lơh tàm [òn; lơh jăt broă tam brê lơh sa suơn sre brê bơnơm pơgồp bal 6 rơbô 900 lồ, lơh niam wơl suơn rơlao 4 rơbô lồ, sền gàr brê rơcang gàr lài 100 rơbô lồ…

Cau cih mờ yal tơng^t Ndong Brawl