VOV4.K’ho- Tŭ càr yal geh cau gơtìp mờ kòp Covid-19, Công ty Điện lực Dak Lak neh ai ngui gùng dà broă lơh bơyai lơh ngui gùng che ồs đèng tàm bơta sơndră mờ kòp. Tơngai lơh jăt bơh ngai òr (10/05) nam 2021.

                                               Anih tờm đơng pơlam broă ngui gùng che ồs đèng

Jăt mờ hơ̆, mpồl cau sền gròi ndrờm bal gơwèt anih tờm đơng pơlam ngui gùng che ồs đèng càr Dak Lak geh tam pà gơs 2 mpồl, pơdar bal lơh jăt kơnòl tus tơl poh. Tàm hơ̆, tơl mpồl geh 2 mpồl dềt sền gròi tàm ngai, sùm rơcang lài ai broă ala, pơdar bal, dong kờl bal. Tơngai ờ sền gròi, ală cau tàm mpồl geh ai ơm rơlô tàm tiah tam cah is tàm ƀlàng anih lơh broă. Broă tam cah is mpồl cau sền gròi nàng gàr niam broă ngui gùng che ồs đèng niam ờ do ờ dă, geh sùm ồs đèng tềng đăp mờ bơta kòp covid-19 gơtìp kal ke.

Cau mblàng Ndong Brawl