VOV4.K’ho - Kàl lơh kơphe nam 2021-2022 rơcang mŭt tàm kàl tơnhào tờm, càr Dăk Lăk kờñ geh git nđờ rơhiang rơbô nă cau nàng pĭc. Mơya, tàm tơngai kòp Covid-19 gam gơtìp kal ke den broă kờñ geh tơl cau nàng pĭc plai kơphe, mờ ờ do ờ dă tàm broă rơcang sơndră mờ kòp gam là bơta sền gròi ngan bơh làng bol bal mờ gơnoar atbồ tàm càr Dăk Lăk dê.

                                        Làng bol lơh broă sa càr Dăk Lăk pic plai kơphe

Jăt mờ jơnau yal bơh Sở Nông nghiệp mờ Phát triển Nông thôn càr Dăk Lăk yal, kàl lơh sa 2021-2022, càr Dăk Lăk geh rơlao 209 rơbô lồ kơphe mờ khà geh kờp dŭ rơlao 500 rơbô tấn. Nàng gàr niam broă pĭc plai kơphe tàm kàl lơh sa pa geh bơyai lơh niam, ală kơnhoàl pal rơcang bơ̆t bơtàu gùng dà broă hòi jà cau pĭc plai kơphe di pal mờ ală bơta gơtìp bơh kòp gơtờp di gơlan gơtìp. UBND càr jào Sở Nông nghiệp mờ Phát triển Nông thôn đơng lam, pơgồp bal mờ ală sở, gah lơh broă tơrgùm jơnau tơngit, bơyai lơh, bơto sồr UBND ală kơnhoàl, thị xã, ƀòn dờng bơ̆t bơtàu gùng dà broă pĭc plai kơphe ờ do ờ dă, geh cồng nha.

 Cau mblàng Ndong Brawl